ஃபெட்னா விழாவில் கல்யாண மாலை, மெல்லிசை விருந்து, சிவகாமியின் சபதம் நாடகம்
கலிபோர்னியா: அமெரிக்காவில் நடக்க உள்ள ஃபெட்னா தமிழ் விழாவில் கல்யாண மாலை, மெல்லிசை விருந்து மற்றும் சிவகாமியின் சபதம் நாடகம் ஆகிய நிகழ்ச்சிகள் இடம்பெற்றுள்ளன.
வட அமெரிக்க தமிழ்ச்சங்க பேரவை(ஃபெட்னா), சான் பிரான்சிஸ்கோ வளைகுடாப் பகுதித் தமிழ் மன்றம் நடத்தும் தமிழ் விழா 2015 ஜூலை மாதம் 3ம் தேதி முதல் 5ம் தேதி வரை தொடர்ந்து 3 நாட்களுக்கு நடக்க உள்ளது. அந்த விழாவில் நடிகர் தனுஷ், அவரது மனைவி ஐஸ்வர்யா, நடிகை ஏமி ஜாக்சன் உள்ளிட்டோர் கலந்து கொண்டு சிறப்பிக்க உள்ளனர்.
விழாவில் சிறுவர்கள் முதல் பெரியவர்கள் வரை அனைவருக்கும் பல்வேறு போட்டிகள் நடத்தப்பட்டு வெற்றி பெறுபவர்களுக்கு பரிசுகள் அளிக்கப்படும். விழாவில் சன் டிவியின் கல்யாண மாலை வழங்கும் வரன் பார்க்கலாம் வாங்க மோகன் மற்றும் டாக்டர் சிவராமன் வழங்கும் கருத்தரங்கம் நடைபெற உள்ளது.
இது தவிர பாடகர் ஹரிசரன், பென்னட் மற்றும் குழுவினரின் மாபெரும் மெல்லிசை விருந்து நிகழ்ச்சிக்கும் ஏற்பாடு செய்யப்பட்டுள்ளது. மேலும் அமரர் கல்கியின் சிவகாமியின் சபதம் நாடகம் நடத்தப்படுகிறது.
மெல்லிசை விருந்து தவிர பாடகி டாக்டர் சௌமியா வழங்கும் தமிழ் இசை நிகழ்ச்சியும், புத்தர் கலைக்கழுவின் பறை இசை நிகழ்ச்சியும் நடைபெறுகிறது.