அவள் துவளும்போது உங்கள் தோள்களை தாருங்கள்!
பெண்களை பெண்களாக வாழ விடுங்கள்..
பெண் குழந்தைகளை குழந்தைகளாகவே பாருங்கள்...
பெண்களை வேலை செய்ய விடுங்கள்...
அவளுக்கு வாய்ப்பை நல்குங்கள்..
அவளது வேலையை அவளே தேர்ந்தெடுக்க விடுங்கள்..
அவளுக்கான தேர்வுகளை தாருங்கள்..
அவளை அவள் வழியில் செல்ல விடுங்கள்..
அவளுக்கு அதற்கு வழி செய்யுங்கள்..
அவள் உதடுகள் புன்னகைப்பதை தடுக்காதீர்கள்
அவளுக்கான சந்தோஷத்தை தாருங்கள்..
அவளை அதிகாரம் செய்ய பழக்குங்கள்..
அவளுக்கான அதிகாரத்தை பகிருங்கள்..
அவளை பொறுப்பை சுமக்க செய்யுங்கள்...
துவளும்போது உங்கள் தோள்களை தாருங்கள்..
ஓடாய் உழைக்கும் அவளை ஓய்வெடுக்க விடுங்கள்...
அவளுக்கான இடத்தினை ஒதுக்கித் தாருங்கள்
அவளது வளர்ச்சிக்கு தடைக்கற்களாய் இருக்காதீர்கள்
அவள் முன் உள்ள தடைக்கற்களை விலக்கி கொடுங்கள்...
அவளை புதிது புதிதாய் சிந்திக்க விடுங்கள்..
அவளை இனிமையான நினைவுகளை அசை போட விடுங்கள்..
அவளுக்கான இனிமை நினைவுகளை தாருங்கள்..
அவளை ஆதிக்கத்தில் சாகடிக்க முயலாதீர்கள்
அன்பில் மூழ்கடிக்க வையுங்கள்...
அவளுக்கான அனுசரணையான இதயத்தை தாருங்கள்...
- ஆகர்ஷிணி