வார ராசி பலன் (27-02-2015 முதல் 05-03-2015 வரை)

 
Share this on your social network:
   Facebook Twitter Google+    Comments Mail

- ஜோதிடர் பேராசிரியர் கே.ஆர். சுப்பிரமணியன்

வார ராசி பலன் (27-02-2015 முதல் 05-03-2015 வரை)

கிரககிரகங்களின் ராசி மாற்றம்

சூரியன் - ராசி மாற்றம் இல்லை

செவ்வாய் - ராசி மாற்றம் இல்லை

புதன்- ராசி மாற்றம் இல்லை

குரு - ராசி மாற்றம் இல்லை

சுக்கிரன் -ராசி மாற்றம் இல்லை

சனி - ராசி மாற்றம் இல்லை

ராகு-கேது - ராசி மாற்றம் இல்லை

சந்திரன்:

01-03-2015ம் தேதி மாலை 05-17 மணிக்கு கடகம் ராசிக்கு மாறுகிறார்.

03-03-2015ம் தேதி அதிகாலை 05-27 மணிக்கு சிம்மம் ராசிக்கு மாறுகிறார்.

 

மேஷம்:

பதவி உயர்வு கிடைக்கும். புதிய வாகனம் வாங்குவீர்கள். படிப்பில் மேன்மை உண்டாகும். பணத் தட்டுப்பாடு அதிகரிக்கும். மனைவி எல்லாவற்றிலும் உதவிகரமாக இருப்பார். அலைச்சல் அதிகரிக்கும். உடல் ஆரோக்கியத்தில் கவனம் தேவை. தொழில் வியாபாரம் சுமாராக இருக்கும். வாகன வகைகளில் செலவு அதிகரிக்கும். வீடு பராமரிப்பு செலவுகள் உண்டாகும். காலபைரவரை வணங்கி வாழ்க்கையில் வளம் பெறலாம்.

ரிஷபம்

அரசு அதிகாரிகளின் ஆதரவு கிடைக்கும். வயதில் பெரியவர்களுடன் சச்சரவு உண்டாகும். அடிக்கடி வெளியூர் பயணம் செல்லும் நிலை உருவாகும். குலதெய்வக் கோயிலுக்கு செல்வீர்கள். பெண்களால் யோகம் உண்டாகும். வயிற்றில் நோய் தோன்றும். அண்ணனுடன் பிரச்சினை உண்டாகும். நிலம், வீடு போன்ற வகைகளில் சச்சரவு உண்டாகும். தரகு வியாபாரம் லாபம் தராது. தொழில் கூட்டாளிகளுடன் சில பிரச்சினைகள் உருவாகலாம். ருத்திரனை வணங்கி வாழ்க்கையில் வளம் பெறலாம்.

மிதுனம்

அப்பாவின் உடல் நிலை சீர்கெடும். மனம் குழப்பம் அதிகரிக்கும். வேலை பார்க்கும் அலுவலகத்தில் பிரச்சினை அதிகரிக்கும். கமிஷன் புரோக்கரேஜ் வியாபாரம் சிறப்பாக இருக்கும். தகவல் தொடர்பு சிறப்பாக இருக்கும். வங்கி சேமிப்பு அதிகரிக்கும். வாகனங்களுக்கு பழுது ஏற்படும். கணவன் மனைவியிடையே பிரச்சினைகள் அதிகரிக்கும். மனதில் தான் என்ற அகங்கார எண்ணம் அதிகரிக்கும். மீனாட்சியை வணங்கி வாழ்க்கையில் வளம் பெறலாம்.

கடகம்

பண வரவு குறையும் ஆனால் செலவுகள் அதிகரிக்கும். அரசாங்க வகைகளில் அபராதம் தண்டம் செலுத்த வேண்டியிருக்கும். பூர்வீக சொத்தில் வில்லங்கம் உருவாகும். தாய் மாமனுடன் சச்சரவு உண்டாகும். படிப்பில் கவனம் செல்லாது. அன்றாட செலவுக்கு கடன் வாங்கும் நிலை உருவாகும். பெண்களால் யோகம் உண்டாகும். வீட்டுக்கு அக்கம்பக்கத்தில் வசிப்பவர்களால் தொந்தரவு உண்டாகும். வயிறு பசி எடுக்காது மிகவும் மந்தமாக இருக்கும். வாய்வு தொந்தரவு உண்டாகும். ஸ்ரீராமரை வணங்கி வாழ்க்கையில் வளம் பெறலாம்.

சிம்மம்

உடல் நலம் பாதிக்கும். வாகனப் போக்குவரத்தில் கவனம் தேவை. எதிர்பாராத பணவரவு உண்டாகும் ஆனாலும் செலவுகள் கைமீறி போகும். விவசாயம் பண்ணை வீடுகள் போன்ற வகைகளில் செலவுகள் அதிகரிக்கும். சிறுநீர் கழிக்கும் பகுதிகளில் நோய் தோன்றும். பேச்சில் கோபம் அதிகரிக்கும். தரமற்ற வார்த்தைகளை பயன்படுத்தும் நிலை உருவாகும். புத்திரர்களும் உங்கள் வார்த்தைக்கு கட்டுப்படமாட்டார்கள். கஷ்டங்கள் அதிகரிக்கும். ஐயப்பனை வணங்கி வாழ்க்கையில் வளம் பெறலாம்.

கன்னி

எல்லா வகைகளிலும் அப்பாவின் உதவி கிடைக்கும். ரியல் எஸ்டேட் தொழிலில் நஷ்டம் உண்டாகும். ஷேர் மார்க்கெட் முதலீடுகள் நஷ்டத்தைத் தரும். வங்கி சேமிப்பு அதிகரிக்கும். கணவன் மனைவி இடையே பிரச்சினை உண்டாகும். தொழில் கூட்டாளிகள் எதிரிகளாக மாறுவார்கள். அடிக்கடி வீடு ஊரைவிட்டு அலையவேண்டியிருக்கும்.

சிவபெருமானை வணங்கி வாழ்க்கையில் வளம் பெறலாம்.

 

துலாம்

வயதில் பெரியவர்களுடன் பிரச்சினை உருவாகும். வயிற்று வலி உண்டாகும். பித்தம் அதிகரிக்கும். எதிலும் தைரியமாக செயல்படுவீர்கள். சகோதரர்களால் நன்மை உண்டாகும். தாத்தா பாட்டியின் ஆலோசனை வாழ்க்கை உயர்வுக்கு வழிவகுக்கும். பெண்களால் பிரச்சினை உண்டாகும் கவனம் தேவை. தொழிலுக்காக செலவுகள் அதிகரிக்கும். வருமானம் மிகவும் குறைவாக இருக்கும். நாராயணனை வணங்கி வாழ்க்கையில் வளம் பெறலாம்.

விருச்சிகம்

வீட்டில் பிரச்சினைகள் அதிகரிக்கும்.கைகால்களில் வலி வேதனை உண்டாகும். பண வரவு தாராளமாக இருக்கும். லாபம் அதிகரிக்கும். விருந்தினர்கள் வீட்டுக்கு வருவார்கள். உல்லாசப் பயணம் செல்வீர்கள். மின்சாரா சாதனங்களைக் கையாளுவதில் கவனம் தேவை. பெண்களால் யோகம் உண்டாகும். படிப்பு மந்தமாகும். உடல் அசதி அதிகரிக்கும். சோம்பல்தனம் அதிகரிக்கும். லட்சுமி நரசிம்மரை வணங்கி வாழ்க்கையில் வளம் பெறலாம்.

தனுசு

அரசாங்க விருது வாங்குவீர்கள். புதிய விலையுயர்ந்த சேலை துணிமணிகள் வாங்குவீர்கள். தேவையற்ற செலவுகள் அதிகரிக்கும். வீண் அலைச்சல் அதிகரிக்கும். பண வரவில் மந்தநிலை காணப்படும். நிலம் வீடு வகைகளில் பிரச்சினை தலைதூக்கும். கனரக இயந்திரங்களை கையாளுவதில் கவனம் தேவை. தொழில் விருத்திக்கு அதிகமாக கஷ்டப்பட வேண்டியிருக்கும். கமிஷன் வியாபாரம் நல்ல லாபத்தை தரும். 01-03-2015ம் தேதி மாலை 05-17 மணி முதல்

03-03-2015ம் தேதி அதிகாலை 05-27 மணி வரை சந்திராஷ்டமம் எல்லா விஷயங்களிலும் கவனமாக செயல்படவும். வேல்முருகனை வணங்கி வாழ்க்கையில் வளம் பெறலாம்.

 

மகரம்

கோபம் அதிகரிக்கும். நிதானமாக செயல்படவும். நண்பர்கள் எல்லாவற்றிலும் உதவுவார்கள். வீட்டிற்கு ஆடம்பரப் பொருட்களை வாங்குவீர்கள். செல்வநிலை சிறப்பாக இருக்கும். உத்தியோகத்தில் உயர்வு வருவதற்கு வாய்ப்புகள் அதிகம். வெளிநாடு செல்லும் யோகம் உண்டாகும்.தாய் மாமனுடன் கருத்து வேறுபாடு உண்டாகும். 03-03-2015ம் தேதி அதிகாலை 05-27 மணி முதல் இரண்டு நாட்களுக்கு சந்திராஷ்டமம் எல்லா விஷயங்களிலும் கவனமாக செயல்படவும். ஸ்ரீகிருஷ்ணரை வணங்கி வாழ்க்கையில் வளம் பெறலாம்.

கும்பம்

பிறரை அதிகாரம் செய்யும் எண்ணம் அதிகரிக்கும். தகவல் தொடர்பில் மந்தநிலை காணப்படும். ஷேர்மார்க்கெட் விஷயங்களில் கவனம் தேவை. தொழில் சிறப்படையும். உடல் ஆரோக்கியத்தில் கவனம் தேவை. தேவையில்லாமல் செலவழிப்பதை குறைத்துக்கொள்ள வேண்டும். பணம் கையிருப்பு குறையும். லட்சுமிஹயக்கிரீவரை வணங்கி வாழ்க்கையில் வளம் பெறலாம்.

மீனம்

குடும்பத்தில் குழப்பம் அதிகரிக்கும். கணவன் மனைவிக்கிடையே சண்டை சச்சரவு உண்டாகும். அரசாங்க வகையில் அபராதம் செலுத்த நேரிடலாம். போலிஸ் வகையில் தொந்தரவு உண்டாகலாம். நீதிமன்றம் செல்லும் நிலையும் உருவாகும். கணவருக்கு ஆரோக்கியம் குறையும் மருத்துவ செலவு செய்யும் நிலை உருவாகும். சக்கரத்தாழ்வாரை வணங்கி வாழ்க்கையில் வளம் பெறலாம்.

Tamil.oneindiaவின் புதிய Facebook ஜோதிட app-ஐ இன்னும் பயன்படுத்தவில்லையா?
English summary
thatstamil presents Weekly astrology forecast, free astrology, predictions and more. அனைத்து ராசிகள், நட்சத்திரங்களுக்கு தட்ஸ்தமிழ் வழங்கும் வார ராசி பலன்
Write a Comment