For Quick Alerts
ALLOW NOTIFICATIONS  
For Daily Alerts
Just In
Oneindia App Download

ஆயிரம் ரூபாய்க்கு எது வாங்கினாலும் இலவசம்

By Mathi
|

ஒரு வாட்ச் கடை முன்னால் நடிகர் செந்திலை ஒரு கும்பல் மொத்தமாக கூடி சாத்து சாத்திக் கொண்டிருக்கின்றனர்.. அங்கே வருகிறார் கவுண்டமணி..

கவுண்டர்: ஏம்பா.. இந்த பயலை போட்டு இம்புட்டு அடி அடிக்கிறீங்க....

கூட்டத்தில் ஒருவன்: யோவ்.. இவன் ஒன் கூட்டாளியா?

கவுண்டர்: அய்யோ.. ஏதோ அறியா பிள்ளைன்னு கேட்டா கூட்டாளி ரேஞ்சுக்கு கோர்த்து விடுறீங்களே..

செந்தில்: அண்ணே. நான் தப்பே செய்யலைன்னே... பின்னி எடுக்கிறானுக..

கவுண்டர்: ஏண்டா தப்பே செய்யலைன்னா இத்தனை பேரு சேர்ந்து மொத்துவாங்களா? உண்மையை பேசுங்கடா..

செந்தில்: நான் உண்மையை சொல்றேன்ண்ணே.. நீங்களே நியாயத்தை சொல்லுங்க...

கவுண்டர்:எப்படியும் லொள்ளுமாதிரித்தனம் செஞ்சிருப்ப... இருந்தாலும் சொல்லித் தொலைடா

செந்தில்: இந்த கடையில போட்டிருக்கிற இந்த போர்டுல என்ன இருக்குதுன்னே?

கவுண்டர்: இந்த போர்டுல... ஆயிரம் ரூபாய்க்கு என்ன வாங்கினாலும் ஒரு வாட்ச் இலவசம்னு போட்டிருக்கு..

செந்தில்: அதைத்தான் நான் செஞ்சேன்.. வாட்ச் தராம லாடம் கட்டிப்புட்டானுக அண்ணே..

கவுண்டர்: நீ உலக மகா கஞ்சனாச்சே.. நீ எப்படிடா ஆயிரம் ரூபாய்க்கு செலவு செஞ்சிருப்ப... பொய்ய பொருத்தமா சொல்லுங்கடா..

செந்தில்: சத்தியமா.. ஆயிரம் ரூபாய்க்கு நான் இங்க வாங்கினேன்ணே...

கவுண்டர்: நீ ஆயிரம் ரூபாய்க்கு.. நான் நம்பனும்.. எங்க நீங்க வாங்கன.. வாங்கன்னு சொல்றியே அதை காமிடா பார்க்கலாம்..

செந்தில்: இந்தா பாருங்க.. இந்த மூட்டையில இருக்கிற அத்தனையும் இங்கதான் வாங்கினேன்.....

கவுண்டர்: டேய்.....என்ன சொல்றா.. இத்தனையையும் இங்கதான் வாங்கனாயா?

செந்தில்: ஆமான்ண்ணே.. ஆயிரம் ரூபாய் கொடுத்து இவ்ளோ சில்றை வாங்கியிருக்கேன்.. சில்லறை பசங்க வாட்ச் தராம வாட்டி எடுத்துட்டானுக...

கவுண்டர்: என்னது.. சில்லறையா? நீ ஆயிரம் ரூபாய்க்கு சில்லறை வாங்கினதுக்கு ஒரு வாட்ச் இலவசமா கேட்டியாக்கும்?

செந்தில்: க்கும்.. ஆயிரம் ரூபாய்க்கு எது வாங்கினாலும் இலவசம்னா நான் கேட்டதும் சரிதான்னே.. இதுக்குப் போய் அடிக்கிறானுகளே..

கவுண்டர்: (முறைத்தபடியே) தம்பி.. உங்க சிந்தனைக்கும் மூளை வளர்ச்சிக்கும் நீயெல்லாம் வேல்ர்டு பேங்கே வச்சிருக்கனும்... அதனால எவன்கிட்ட மாட்டிக்காம எங்காவது ஓடிப் போய் ஒளிஞ்சுக்கோ..

செந்தில்: அண்ணே.. என்னை அறிவாளின்னு நம்புன உங்களுக்கு காலம்பூராவும்..

கவுண்டர்: நிறுத்திட்டு.. ஓடிப் போய் தலைமறைவாகிடு.. இல்லை. வாட்ச் கடைகாரனை கூப்பிடவா?

(செந்தில் தலைதெறிக்க ஓடுகிறார்)

English summary
Goundamany- Senthil Jokes
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X