‘கூகுள்’ வசந்தா... ‘பேஸ்புக்’ கண்ணன்... ‘டிவிட்டர்’ திலகா... பியூஸ் போன "ஆர்குட் கண்ணப்பன்"!
சென்னை: மக்களின் இன்றைய வாழ்க்கை முறையில் இணையம் என்பது தவிர்க்க முடியாத ஒரு அம்சமாகி விட்டது. வயிற்றில் கணையம் இருக்கோ இல்லையோ வாழ்க்கையில் கண்டிப்பாக இணையம் இருந்தே ஆக வேண்டும் மக்களுக்கு.
வயது வித்தியாசமின்றி அனைவரும் இணையத்தைப் பல்வேறு விசயங்களுக்காகப் பயன்படுத்தி வருகின்றனர். ஆனால், இணையத்தில் சர்ச் என்ஜின், சமூக வலைதளப் பக்கம் என ஒவ்வொன்றிற்கும் அதற்கென தனிப்பட்ட பண்புகள் உள்ளன.
அந்த வகையில், குடும்பத்தலைவர் ஒருவர் தனது குடும்பத்தினரை நண்பருக்கு இணையத்தை பயன்படுத்தி இப்படி அறிமுகம் செய்கிறாராம். இந்த ஜோக் தற்போது பேஸ்புக்கில் பரவி வருகிறது.
1. இது என் மனைவி... கூகுள் வசந்தா.. நீங்கள் என்ன கேள்வி கேட்டாலும், அதற்கு சம்பந்தப்பட்ட மற்றும் சம்பந்தப்படாத பதில்களை அள்ளி தெளிப்பார்.
2. இது என் மகன்... பேஸ்புக் கண்ணன்... நாலு சுவற்றிற்குள் நடக்கும் எங்கள் குடும்ப ரகசியங்களை எல்லாம் ஊரறியச் செய்யும் பெருமைக்குரியவன்.
3. இது என் மகள்... டிவிட்டர் திலகா.. இந்த மொத்தக் காலனியுமே இவளைப் பின் தொடருகிறது.
4. இவர் என் அம்மா... வாட்ஸ் அப் கண்மணி... எப்போது பார்த்தாலும் எதையாவது குறித்து கருத்து தெரிவித்துக் கொண்டே இருப்பார்.
5. கடைசியாக நான்... ஆர்குட் கண்ணப்பன்...இவர்களுக்கும் எனக்கும் பொருத்தமே இல்லை..!