Englishবাংলাગુજરાતીहिन्दीಕನ್ನಡമലയാളംతెలుగు
Filmibeat

உணவு பணவீக்கத்தைக் கட்டுப்படுத்த அதிக வெளிநாட்டு முதலீடு - மத்திய அரசு

Posted by:
Published: Thursday, March 15, 2012, 15:57 [IST]
 

உணவு பணவீக்கத்தைக் கட்டுப்படுத்த அதிக வெளிநாட்டு முதலீடு - மத்திய அரசு

டெல்லி: உணவுப் பணவீக்கத்தைக் கட்டுப்படுத்த சில்லறை வணிகத்தில் அதிக வெளிநாட்டு முதலீடுகளை ஊக்குவிக்க மத்திய அரசு திட்டமிட்டுள்ளதாக இந்திய பொருளாதார ஆய்வறிக்கை தெரிவிக்கிறது.

2011-2012-ம் ஆண்டுக்கான பொருளாதார ஆய்வறிக்கை இன்று பாராளுமன்றத்தில் சமர்ப்பிக்கப்பட்டது. தலைமைப் பொருளாதார ஆலோசகர் கௌசிக் பாசு இதனை தயாரித்திருந்தார்.

இந்த அறிக்கையில் இடம்பெற்ற முக்கிய விஷயங்கள்:

-2012-2013-ல் பொருளாதார வளர்ச்சி 7.6 சதவீதமாக உயரும். அதன் பிறகு இது 8.6 சதவீதமாக இருக்கும்.

-இந்த காலாண்டில் நாட்டின் மொத்த உற்பத்தி முதல் முறையாக 7 சதவீதத்துக்கு கீழே வீழ்ச்சியடையும். மார்ச் இறுதியில் இது 6.1 சதவீதமாக இருக்கும்.

- 4-5 சதவீதமாக உள்ள தொழில்துறை வளர்ச்சி முன்னேற வாய்ப்புள்ளது.

- வேளாண்மை மற்றும் சேவைகள் துறையில் நல்ல வளர்ச்சி இருக்கும். வேளாண்மைத் துறையில் 2.4 சதவீத வளர்ச்சியும், சேவைத் துறையில் 9.4 சதவீத வளர்ச்சியும் இருக்கும். மொத்த உற்பத்தியில் இவற்றின் பங்களிப்பு 59 சதவீதமாக இருக்கும்.

- மொத்த விலைக் குறியீட்டெண்படி பணவீக்கம் அதிகமாகவே இருக்கும். ஆனால் ஆண்டிறுதியில் குறைய்த தொடங்கும்.

- உணவுப் பணவீக்கம் 20.2 சதவீதத்திலிருந்து 1.6 சதவீதமாகக் குறைந்துள்ளது. இது சரியான நிலைக்கு வருவதற்கான முயற்சிகள் மேற்கொள்ளப்பட்டுள்ளன.

-உணவுப் பணவீக்கத்தை நிலைப்படுத்த அதிக அளவு வெளிநாட்டு முதலீடுகளை சில்லறை வணிகத்தில் ஊக்குவிக்க வேண்டும்.

- உலகின் மிக வேகமாக வளரும் நாடுகளுள் இந்தியாவும் ஒன்று. இந்தியாவின் கடன் தரம் இப்போது 2.98 ஆக உயர்ந்துள்ளது.

- நிதிப் பற்றாக்குறையை சரியான அலகுகள் மூலம் சமாளித்து வருகிறோம். சேமிப்பு மற்றும் முதலீடு உருவாக்கம் அதிகரித்து வருகிறது.

- ஆண்டின் முதல் பாதியில் ஏற்றுமதி 40.5 சதவீதமும், இறக்குமதி 30.4 சதவீதமும் அதிகரித்துள்ளது. அந்நிய செலாவணி இருப்பு அதிகரித்துள்ளது.

- சமூக சேவைகளுக்கான மத்திய அரசின் செலவு 13.4 சதவீதத்திலிருந்து 18.5 சதவீதமாக உயர்ந்துள்ளது.

English summary
Favouring a phased opening of India’s multi-brand retail trade to FDI, the Economic Survey 2011-12 on Thursday said foreign investment could help in curbing food inflation in a significant way. “Allowing FDI in multi-brand retail is one of the major issues in this sector. This could begin in a phased manner in the metros, with the cap at a lower level coupled with incentivising the existing ‘mom and pop’ stores (kirana shops) to modernise and compete effectively with the retail shops, foreign or domestic,” the survey said.
கருத்தை எழுதுங்கள்
Click here to type in Tamil
Subscribe Newsletter
Online Bus Ticket Booking