செல்போனில் விமான டிக்கெட்:ஏர் இந்தியா அறிமுகம்

சென்னை: செல்போனில் விமான டிக்கெட் பதிவு செய்யும் வசதியை ஏர் இந்தியா நிறுவனம் அறிமுகம் செய்துள்ளது.

இதுதொடர்பாக ஏர் இந்தியா நிறுவனம் வெளியிட்டுள்ள செய்திக்குறிப்பில் கூறப்பட்டுள்ளதாவது:-

செல்போனில் பயன்படுத்தக்கூடிய என்ஜிபே என்ற மென்பொருள் மூலம் விமான டிக்கெட்டை செல்போனிலேயே பதிவு செய்யலாம். மென்பொருளை பதிவு செய்ய 'ngpay' என்று குறிப்பிட்டு 56767 என்ற எண்ணுக்கு குறுந்தகவல் (எஸ்.எம்.எஸ்.) அனுப்பி, பின் www.ngpay.com என்ற இணையதளத்தில், அந்த மென்பொருளை பதிவிறக்கம் செய்து கொள்ளலாம்.

டிக்கெட் பதிவு செய்ததற்கான அறிவிப்பு எஸ்.எம்.எஸ். மூலம் தெரிவிக்கப்படும். பயண நகல் ரசீது (ஐடிஆர்) மின்னஞ்சல் மூலம் அனுப்பப்படும். பயண ரசீது கிடைக்காதவர்கள் எஸ்.எம்.எஸ். குறுஞ்செய்தியையும், அடையாள அட்டையையும் காண்பித்து விமானநிலையத்திலேயே டிக்கெட்டை பெற்றுக்கொள்ளலாம் என்று அதில் கூறப்பட்டுள்ளது.

English summary

You can now book Air India domestic tickets through your mobile phone. The payment can be done by using a credit or debit card, or even using the net banking facility through the mobile phone.