Click it and Unblock the Notifications
Don't Miss
-
SRH vs RCB: இந்த தங்கத்த தூக்குங்க.. ஆர்சிபியை அலறவிட்ட தமிழக வீரர்.. நடராஜனால் மிரண்ட கம்மின்ஸ்! -
இந்த பட்டனை அழுத்தினால் கார் உடனடியாக கூலிங் ஆகிடும்... இது பலருக்கும் தெரியாத விஷயம்..! -
5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்! -
Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா? -
BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்? -
6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..! -
இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்! -
சென்னை ஏர்போர்ட்டில் பணிபுரிய ஆசையா...!
மனைவியா, துணைவியா??... புது பிரான்ஸ் அதிபருக்கு வந்த முதல் சோதனை!
வெளிநாடுகளில் அதிபர் அல்லது பிரதமருக்கு மனைவி இருந்தாலோ அல்லது கூடவே துணைவியும் இருந்தாலோ கூட பிரச்சினை வராது. ஆனால் கல்யாணம் செய்து கொள்ளாமலேயே குடும்பம் நடத்தும் தலைவர்கள் உயர் பதவிக்கு வரும்போதுதான் ஏகப்பட்ட சிக்கல்கள் வரும்.
அந்த சிக்கல் தற்போது பிரான்ஸுக்கு வந்துள்ளது. நிக்கோலஸ் சர்கோஸியை வீழ்த்தி விட்டு அதிபராகியுள்ள பிரான்காய்ஸ்,இதுவரை திருமணம் செய்து கொள்ளாதவர். அதேசமயம், வேலரி என்பவருடன் லிவ் இன் உறவில் தொடர்ந்து வருகிறார்.
எனவே டெக்னிக்கலாக அதிபரின் மனைவியாக, முதல் பெண்மணியாக இவரை அறிவிக்க முடியாத நிலையில் பிரான்ஸ் அதிகாரிகள் உள்ளனர். அதிபரின் தோழி என்றுதான் இவர்களால் கூற முடியும். அதிபரின் மனைவி என்ற அந்தஸ்தைப் பெற வேண்டுமானால் ஹோலன்ட்டை, வேலரி திருமணம் செய்தாக வேண்டும். அப்போதுதான் அவருக்கு முதல் பெண்மணி என்ற அந்தஸ்தும் கிடைக்கும்.
2006ம் ஆண்டு முதலே இணைந்து வசித்து வருகின்றனர் பிரான்காய்ஸும், வேலரியும். இவர்களின் உறவு பூத்த சமயத்தில், ஏற்கனவே சிகோலின் ராயல் என்ற பெண்மணியுடன் உறவில் இருந்து வந்தார் பிரான்காய்ஸ். 2007 தேர்தல் பிரசாரத்தின்போது கூட இந்தப் பெண்ணுடன்தான் உலா வந்தார் பிரான்காய்ஸ்.
அந்தத் தேர்தலுக்குப் பின்னர் பிரான்காய்ஸும், சிகோலினும் பிரிந்து விட்டனர். பிறகுதான் வேலரியுடன் பகிரங்கமாக வலம் வர ஆரம்பித்தார் பிரான்காய்ஸ். அதிபரின் காதலி என்பதால் அவரை முதல் பெண்மணியமாக அதிகாரப்பூர்வமில்லாமல் அழைக்க முடியும். ஆனால் வெளிநாடுகளுக்குப் போகும்போதுதான் சிக்கலாகும்.
குறிப்பாக வாடிகன் சிட்டிக்குப் போய் போப்பாண்டவரைப் பார்ப்பதாக இருந்தால் நிச்சயம் வேலரியை கூட்டிக் கொண்டு போக முடியாது. அதேபோல இஸ்லாமிய நாடுகளுக்குப் போவதிலும் சிக்கல் வரும். இந்தியா போன்ற திருமண பந்தங்களை தெய்வீகமாக போற்றிக் கொண்டாடும் நாடுகளுக்கு வரும்போதும் தர்மசங்கடமாகும். ஒரு அதிபரின் மனைவிக்குரிய அங்கீகாரத்தை இந்த நாடுகள் தருவதற்குத் தயங்கும்.
எனவே பேசாமல் வேலரியும், ஹோலன்ட்டும் திருமணம் செய்து கொள்வதுதான் நல்லது என்ற பேச்சு பிரான்ஸில் கிளம்பியுள்ளதாம்.
வேலரி ஏற்கனவே 2 முறை திருமணம் செய்து இரு கணவர்களையும் துறந்தவர். 3வதாக பிரான்காய்ஸுடன் வாழ்ந்து வருகிறார். முதல் இரு கணவர்கள் மூலம் வேலரிக்கு தோளுக்கு மேல் வளர்ந்த 2 மகன்கள் இருக்கிறார்கள் என்பது குறிப்பிடத்தக்கது.
பிரான்ஸின் முன்னாள் அதிபரான சர்கோஸியை விட அவரது மனைவி ப்ரூனியைப் பற்றித்தான் ரொம்பப் பேசினார்கள். இப்போது அந்த இடத்தை வேலரி பிடிக்கப் போகிறார் என்பதே இப்போதே தெரிகிறது.
