For Quick Alerts
ALLOW NOTIFICATIONS  
For Daily Alerts
Just In
Oneindia App Download

ட்விட்டரில் கிங் யார் தெரியுமா... நம்ம அமிதாப்தான்!

By Shankar
Google Oneindia Tamil News

இந்திய திரையுலகப் பிரமுகர்களில் 12 மில்லியன் ஃபாலோயர்களுடன் ட்விட்டரில் முதலிடத்தில் உள்ளார் பாலிவுட் சாதனை நடிகர் அமிதாப் பச்சன்.

வேறு யாரையும் இந்த அளவு மக்கள் பின் தொடரவில்லை என்பதால் அவர்தான் ட்விட்டரின் கிங் என வர்ணிக்கிறது டிஜிட்டல் தொழில்நுட்ப நிறுவனமான டு த நியூ.

Amitabh is the king of Twitter

ட்விட்டரில் உள்ள திரையுலகப் பிரமுகர்களின் புகழ் மற்றும் செல்வாக்கு, ட்விட்டரில் அவர்கள் செயல்பாடு போன்றவற்றின் அடிப்படையில் அவர்களின் ரேட்டிங்கை வெளியிட்டுள்ளது இந்த நிறுவனம்.

அதன்படி 12 மில்லியன் பின்தொடர்வோருடன் முதலிடத்தில் அமிதாப் உள்ளார்.

அவருக்கு அடுத்த இடத்தில் 10.4 மில்லியன் பின்தொடர்வோருடன் ஷாரூக்கான் உள்ளார். மூன்றாவது இடத்தில் அபிஷேக் பச்சன் உள்ளார். அவரைப் பின் தொடர்வோர் 5.4 மில்லியன். பின் தொடர்வோர் குறைவாக இருந்தாலும் பாபுலாரிட்டி அடிப்படையில் அவர் மூன்றாம் இடம் பிடித்துள்ளார்.

ஹ்ரித்திக் ரோஷன் நான்காம் இடம் பிடித்துள்ளார். 7.7 மில்லியன் பேர் அவரைப் பின் தொடர்கிறார்கள். 10.1 மில்லியன் பின் தொடர்வோரைக் கொண்ட ஆமீர் கான் 5வது இடத்திலும், 9.5 மில்லியன் பின்தொடர்வோருடன் சல்மான்கான் ஆறாவது இடத்திலும் உள்ளார்.

நடிகைகளில் ப்ரியங்கா சோப்ராவுக்கு 8 மில்லியன் பின் தொடர்வோரும், தீபிகா படுகோனுக்கு 8.57 மில்லியன் பின் தொடர்வோரும், சோனம் கபூருக்கு 5.6 மில்லியன் பின் தொடர்வோரும் உள்ளனர்.

அமிதாப் ஒரு நாளைக்கு 20 ட்வீட்டுகளை பதிவிடுகிறார். ரீட்வீட்டுகள், பதில்கள் அனைத்தும் இதில் அடங்கும். அதேபோல அவர் மகன் அபிஷேக் பச்சன் ஒரு நாளைக்கு பத்து ட்வீட்கள் பதிவு செய்கிறார்.

English summary
Leaving behind all other actors in the film industry, Amitabh Bachchan has been ranked number one on Twitter, in terms of both popularity and activity.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X