இவர்தாங்க "சாக்ஷி டோணி"...!
டெல்லி: இந்திய கிரிக்கெட் அணி கேப்டன் டோணியின் வாழ்க்கை வரலாற்றுப் படத்தில் அவரது மனைவி வேடத்தில் நடிக்கப் போகும் நடிகை யார் என்பது முடிவு செய்யப்பட்டு விட்டது.
வளரும் நடிகையான கியாரா அத்வானிதான், சாக்ஷி வேடத்தில் நடிக்கப் போகிறாராம்.
பலரையும் தேடிப் பார்த்துப் பரிசீலித்த பின்னர் கியாராவை பிக்ஸ் செய்துள்ளனராம் படக் குழுவினர்.
டோணி வாழ்க்கைக் கதை
M S Dhoni: The Untold Story என்ற பெயரில் டோணியின் வாழ்க்கை வரலாறு படமாகவுள்ளது. இப்படம் டோணியின் வாழ்க்கைக் கதையை முழுமையாகச் சொல்லப் போகும் படமாகும்.
நீரஜ் பாண்டே
நீரஜ் பாண்டே இப்படத்தை இயக்குகிறார். இவர் ஏ வெட்னஸ்டே, ஸ்பெஷல் 26, பேபி ஆகிய படங்களை இயக்கிய இயக்குநர் ஆவார்.
சாக்ஷி வேடத்தில் கியாரா
சாக்ஷி டோணி வேடத்தில் நடிக்கப் போகும் கியாராவுக்கு இப்போதே வாழ்த்துகளும், பாராட்டுகளும் குவிய ஆரம்பித்து விட்டன.
3 தயாரிப்பாளர்கள்
ரிதி ஸ்போர்ட்ஸ் மேனேஜ்மென்ட், இன்ஸ்பயர்ட் என்டர்டெய்ன்மென்ட், ஆதர்ஷ் டெலிமீடியா ஆகியவை இணைந்து இப்படத்தை தயாரிக்கவுள்ளன.
சுஷாந்த் சிங் ராஜ்புத்
இப்படத்தில் டோணி வேடத்தில் நடிக்கவிருப்பவர் சுஷாந்த் சிங் ராஜ்புத் ஆவார். இப்படத்தில் ஜான் ஆப்ரகாம், ஷ்ரேயாஸ் தல்படே, பாவத் கான் ஆகியோரும் நடிக்கிறார்கள்.
பக்ளி கியாரா
பக்ளி என்ற படம்தான் கியாராவுக்கு முதல் படமாகும். கபீர் சதானந்த் இயக்கிய படம் இது. கடந்த ஆண்டு ஜூன் மாதம் இப்படம் வெளியானது. மிகக் குறுகிய காலத்திலேயே மிகப் பெரிய கேரக்டரில் நடிக்கும் வாய்ப்பு கியாராவுக்குக் கிடைத்துள்ளது குறிப்பிடத்தக்கது.