புதிய 500 ரூபாய் நோட்டு வெளியீடு.. புழக்கத்தில் உள்ள 500 ரூபாயும் செல்லுமாம்!
டெல்லி: ரிசர்வ் வங்கி புதிய 500 ரூபாய் நோட்டை வெளியிட்டுள்ளது. அதேசமயம், தற்போது புழக்கத்தில் உள்ள 500 ரூபாய் நோட்டும் செல்லும் என்றும் ரிசர்வ் வங்கி அறிவித்துள்ளது.
கடந்த ஆண்டு மக்களை பெரும் துயரத்தில் ஆழ்த்தியது 500, 1000 ரூபாய் நோட்டுக்கள் ஒழிப்பு. அந்த அதிர்ச்சியின் பாதிப்பிலிருந்து இன்னும் கூட மக்கள் மீளவில்லை. அதன் பிறகு புதிதாக 500 மற்றும் 2000 ரூபாய் நோட்டுக்களை மத்திய ரிசர்வ் வங்கி அறிமுகப்படுத்தியது.
ஆனாலும் அதிலும் பல குழப்பங்கள். அதிலும் போலி ரூபாய்கள் தாறுமாறாக வருகின்றன. அச்சடிப்பதிலும் ஏகப்பட்ட குழப்பங்கள். இந்த நிலையில் புதிய 500 ரூபாய் நோட்டுக்களை ரிசர்வ் வங்கி அறிமுகப்படுத்தியுள்ளது.
இதில் ஏ என்ற ஆங்கில எழுத்து இடம் பெற்றுள்ளதாம். தற்போது புழக்கத்தில் உள்ள 500 ரூபாய் நோட்டும் தொடர்ந்து புழக்கத்தில் இருக்கும் என்றும் ரிசர்வ் வங்கி அறிவித்துள்ளது.
புதிய மகாத்மா காந்தி சீரிஸ் வரிசையில் இந்த புதிய 500 ரூபாய் நோட்டு அமைந்துள்ளது. பெரிய அளவில் மாற்றம் ஏதும் இல்லை.