தீவிர ரசிகர் ரஜினி ட்வீட்டுக்கு சிந்து என்ன பதில் ட்வீட் போட்டுள்ளார் தெரியுமா?
ஹைதராபாத்: தன்னுடைய ரசிகராக மாறிய ரஜினிகாந்துக்கு நன்றி தெரிவித்து ட்வீட் போட்டுள்ளார் பேட்மின்டன் வீராங்கனை பி.வி. சிந்து.
பிரேசிலில் உள்ள ரியோடி ஜெனீரோ நகரில் நடந்த ஒலிம்பிக் போட்டிகளில் மல்யுத்த வீராங்கனை சாக்ஷி மாலிக் மட்டும் வெண்கலப் பதக்கம் வென்றிருந்தார். இந்தியாவுக்கு இன்னொரு பதக்கம் கிடைக்காதா என்று மக்கள் ஏங்கினர்.
அந்த நேரம் தான் பி.வி. சிந்து தனது அசத்தலான ஆட்டத்தால் பேட்மின்டன் போட்டியில் வெள்ளிப் பதக்கம் வென்று நம் கண்களில் ஆனந்த கண்ணீரை வரவழைத்தார். வெள்ளி மங்கை சிந்துவுக்கு பரிசுகள் குவிகிறது.
@superstarrajini sir thank u so much sir ...I have no words 🙏🏻🙏🏻🙏🏻it made my day 😊😊....I have no words to express
— Pvsindhu (@Pvsindhu1) August 24, 2016
இந்நிலையில் சூப்பர் ஸ்டார் ரஜினிகாந்த் ட்விட்டரில், ஹேட்ஸ் ஆப் சிந்து. நான் உங்களின் தீவிர ரசிகனாகிவிட்டேன். வாழ்த்துக்கள் என்று தெரிவித்திருந்தார்.
சூப்பர்ஸ்டாரின் ட்வீட்டை பார்த்த சிந்து பதிலுக்கு போட்டுள்ள ட்வீட்டில் கூறியிருப்பதாவது,
சூப்பர்ஸ்டார் ரஜினி சார் மிகவும் நன்றி சார் எனக்கு வார்த்தையே வரவில்லை என் உணர்ச்சியை தெரிவிக்க வார்த்தையே இல்லை என்று மகிழ்ச்சியை கொட்டியுள்ளார்.