கேரள முதல்வர் உம்மன் சாண்டி மாதிரியே அச்சு அசலாக இருக்கும் ஹஸன், கனடாக்காரர்
திருவனந்தபுரம்: கேரள முதல்வர் உம்மன் சாண்டி போன்றே இருக்கும் சவுதி அரபிய குடிமகன் இந்த மாத இறுதியில் திருவனந்தபுரம் வருகிறார். அவருக்கு உம்மன் சாண்டியை சந்திக்கும் ஆசை உள்ளது.
உலகில் ஒருவரைப் போன்று 7 பேர் இருப்பார்கள் என்று கூறுவார்கள். அதில் நாம் நம்மைப் போன்றே இருக்கும் பிறரை சந்திப்பது அரிய காரியமாகும். ஆனால் பார்க்க அச்சு அசலாக நம்மைப் போன்றே இருக்கும் நபர் அல்லது நபர்களை சந்தித்தாலோ அல்லது அவர்களின் புகைப்படத்தை பார்த்தாலோ மிகவும் மகிழ்ச்சியாகவும், ஆச்சரியமாகவும் இருக்கும்.
அப்படி ஒரு ஆச்சரியம் கலந்த மகிழ்ச்சி கேரள முதல்வர் உம்மன் சாண்டிக்கும் அண்மையில் ஏற்பட்டது.
சவுதி
சவுதி அரபியாவில் உள்ள ஜிசானில் வசிக்கும் ஹசன் அல் அசிரியின் புகைப்படைத்தை அண்மையில் யாரோ சமூக வலைதளத்தில் வெளியிட்டனர். அந்த புகைப்படம் தீயாக பரவியது.
அசிரி
சவுதியைச் சேர்ந்த அசிரியின் புகைப்படத்தை பார்த்த கேரள மக்கள் அதிர்ச்சி அடைந்தனர். காரணம் அவர் பார்க்க அச்சு அசலாக கேரள முதல்வர் உம்மன் சாண்டி போன்றே உள்ளார்.
|
கேரளா
சவுதியில் வசிக்கும் கேரள மக்கள் சிலர் அசிரியை சந்தித்து அவரிடம் சாண்டியின் புகைப்படத்தை காண்பித்தனர். இந்நிலையில் அவர் இம்மாத இறுதியில் கேரளா வருகிறார். அவர் உம்மன் சாண்டியை சந்திக்க விருப்பம் தெரிவித்துள்ளார். அவரை சந்திக்க சாண்டியும் ஆவலாக இருப்பதாக அவரின் உதவியாளர் தெரிவித்துள்ளார்.
|
கனடா
கனடா நாட்டில் வசித்து வரும் நபர் ஒருவரும் கேரள முதல்வர் உம்மன் சாண்டி போன்று இருப்பது தெரிய வந்துள்ளது. அவர், அசிரி, சாண்டி ஆகியோர் பார்க்க அச்சு அசலாக ஒரே மாதிரியாக உள்ளனர்.