கலிபோர்னியா நைட் கிளப்பில் பயங்கர தீ விபத்து: 9 பேர் பலி; 13 பேரை காணவில்லை
கலிபோர்னியாவில் நடந்த பார்ட்டியின்போது கிளப்பில் ஏற்பட்ட பயங்கர தீ விபத்தில் 9 பேர் உடல் கருகி உயிரிழந்தனர்.
ஆக்லேண்ட்: அமெரிக்காவின் கலிபோர்னியாவில் நடந்த பார்ட்டியின்போது கிளப்பில் ஏற்பட்ட பயங்கர தீ விபத்தில் 9 பேர் உடல் கருகி உயிரிழந்தனர். மேலும் தீ விபத்தில் சிக்கிய 13 பேரை காணவில்லை என தீயணைப்பு துறையினர் தெரிவித்துள்ளனர்.
அமெரிக்காவின் கலிபோர்னியா மாநிலம் ஆக்லேண்டில் கோஸ்ட் ஷிப் கிளப் உள்ளது. இங்குள்ள இரண்டாவது மாடியில் வெள்ளிக்கிழமை இரவு பார்ட்டி நடைபெற்றது. இதில் 70க்கும் அதிகமானோர் கலந்துகொண்டு கொண்டாட்டத்தில் ஈடுபட்டிருந்தனர்.
அப்போது, அந்த கிளப்பின் ஒரு பகுதியில் தீப்பிடித்தது. இதுபற்றி தகவல் அறிந்த தீயணைப்பு மற்றும் மீட்புக்குழுவினர் சம்பவ இடத்திற்கு விரைந்து சென்று தீயை கட்டுப்படுத்தினர்இதில் பலர் சிக்கி கொண்டனர். இவர்களில், தீயில் சிக்கி 9 பேர் உயிரிழந்ததாகவும், 13 பேரை காணவில்லை என்றும் தீயணைப்புத்துறை அதிகாரிகள் கூறியதை மேற்கோள் காட்டி உள்ளூர் ஊடகங்களில் செய்தி வெளியாகி உள்ளது.