'வே டு கோ' கெய்ட்லின்: பெண்ணாக மாறிய கிம்மின் தந்தையை பாராட்டும் பிரபலங்கள்
நியூயார்க்: அமெரிக்க டிவி ரியாலிட்டி ஷோ நடிகையான கிம்மின் தந்தை ப்ரூஸ் ஜென்னர் பெண்ணாக மாறியதற்கு ட்விட்டரில் பிரபலங்கள் வாழ்த்து தெரிவித்துள்ளனர்.
அமெரிக்க டிவி ரியாலிட்டி ஷோ நடிகையான கிம் கர்தாஷியனின் தந்தை ப்ரூஸ் ஜென்னர். அவருக்கு பெண்ணாக மாற வேண்டும் என்ற ஆசை ஏற்பட்டது. இதையடுத்து ஊர் என்ன சொல்லும், உலகம் என்ன சொல்லும் என்று நினைக்காமல் துணிச்சலாக பெண்ணாக மாறி தனது பெயரை கெய்ட்லின் ஜென்னர் என மாற்றியுள்ளார்.
கெய்ட்லின் ஜென்னருக்கு ட்விட்டரில் பல பிரபலங்கள் ஆதரவு தெரிவித்துள்ளனர்.
|
லவார்ன் காக்ஸ்
ப்ரூஸ் கெய்ட்லினாக மாறியுள்ளதற்கு திருநங்கையான நடிகை லவார்ன் காக்ஸ்(30) வாழ்த்து தெரிவித்துள்ளார். கெய்ட்லின் அழகாக உள்ளார். ஆனால் அவரின் இதயம் மிகவும் அழகானது என்று நான் நினைக்கிறேன். அவரின் துணிச்சலான முடிவு அழகாகத் தெரிகிறது என்று காக்ஸ் தெரிவித்துள்ளார். வேனிட்டிஃபேர் பத்திரிக்கையின் அட்டைப் படத்தில் கெய்ட்லினின் புகைப்படம் வந்துள்ளதை நினைத்து காக்ஸ் மகிழ்ச்சி அடைந்துள்ளார்.
|
டெமி
கெய்ட்லின் ஜென்னரின் மார்பகங்கள் என்னுடையதை விட நன்றாக உள்ளது. அவரை நினைத்து பெருமையாக உள்ளது என்று அமெரிக்க பாடகியும், நடிகையுமான டெமி லொவாட்டோ ட்விட்டரில் தெரிவித்துள்ளார்.
|
எலன்
நாம் அனைவரும் கெய்ட்லின் ஜென்னர் போன்று துணிச்சலாக இருக்க வேண்டும் என விரும்புகிறேன் என நகைச்சுவை நடிகை எலன் டிஜெனரஸ் ட்வீட் செய்துள்ளார்.
|
லேடி காகா
உள்ளுக்குள் இருந்த அழகு தற்போது வெளியே தெரிகிறது. உங்களையும், உங்களின் குடும்பத்தாரையும் கடவுள் ஆசிர்வதிப்பாராக என்று பாடகி லேடி காகா தெரிவித்துள்ளார்.
|
வில் ஃபெர்ரல்
மன்னித்து விடுங்கள் கிறிஸ், ஆனால் கெய்ட்லின் ஜென்னர் உங்களை தோற்கடித்து விட்டார் போன்று என அமெரிக்க நடிகர் வில் ஃபெர்ரல் கிம்மின் தாயை கிண்டல் செய்துள்ளார்.
|
மரியா ஷ்ரிவர்
பெண்கள் முன்னேற்றம் கெய்ட்லின் ஜென்னர் மூலம் புதிய துணிச்சலான குரலை பெற்றுள்ளது என்று ஹாலிவுட் நடிகர் ஆர்னால்டு ஸ்வார்ஸ்நெக்கரின் மனைவி மரியா ஷ்ரிவர் தெரிவித்துள்ளார்.