'ஒருநாளில் இந்தியா' படமெடுக்கலாம் வாங்க அன்புடன் அழைக்கிறது கூகுள்
கலிபோர்னியா: நாள்தோறும் புதிய அறிவிப்புகளை வெளியிடும் கூகுள் தற்போது அருமையான ஒரு வாய்ப்பை இளைய தலைமுறையினருக்கு வழங்கி இருக்கிறது.
ஒரு நாளில் இந்தியா(India in a Day) என்ற தலைப்பில் ஒரு நாள் முழுவதும் இந்தியாவில் நடக்கும் நிகழ்வுகளை நீங்கள் படமாக எடுத்து கூகுள் நிறுவனத்திற்கு அனுப்பி வைக்கலாம்.
மிகவும் புகழ்பெற்ற இயக்குனர்களான ரிட்லி ஸ்காட், அனுராக் காஷ்யப் மற்றும் ஒளிப்பதிவாளர் பால்கி ஆகியோரைக் கொண்ட ஒரு குழு இந்தப் படத்தை இயக்கவிருக்கிறது.
ஒருநாளில் இந்தியா
மொபைல் கேமரா அல்லது தரமான ஒரு கேமராவைக் கொண்டு உங்கள் ஒருநாளில் நீங்கள் செய்யும் செயல்கள், உங்கள் நண்பர்களுடனான உறவுகள் மற்றும் உங்கள் சொந்த பந்தங்கள் போன்ற எதை வேண்டுமானாலும் நீங்கள் படமெடுத்து அனுப்பி வைக்கலாம்.ஒரு நாளில் இந்தியா(India in a Day) என்ற தலைப்பில் ஒரு நாள் முழுவதும் இந்தியாவில் நடக்கும் நிகழ்வுகளை நீங்கள் படமாக எடுத்து கூகுள் நிறுவனத்திற்கு அனுப்பி வைக்கலாம். உங்களுக்கு இது தொடர்பான சந்தேகங்கள் எழும்பட்சத்தில் http://indiainaday.withgoogle.com என்ற தளத்தில் சென்று நீங்கள் பார்வையிடலாம்.
உங்களின் விருப்பம்
இதற்காக கூகுள் உங்களுக்கு எந்த நிபந்தனைகளையும் விதிக்கவில்லை. ஒருநாளில் இந்தியா முழுவதும் நீங்கள் விரும்பும் எதை வேண்டுமானாலும் படமாக எடுக்கலாம். அவ்வளவு ஏன் உங்கள் வருத்தம், சோகம், மாற்ற விரும்பும் விஷயங்கள் போன்றவற்றை நீங்கள் படம் பிடிக்கலாம். உங்களைக் கடந்து செல்லும் எவற்றை வேண்டுமானாலும் நீங்கள் எடுக்க அனுமதித்திருக்கிறது கூகுள்.
அனைவரின் பங்களிப்பிலும்
இதில் கலந்து கொள்ளும் அனைவரின் பங்களிப்பிலும் உருவாகவிருக்கிறது ஒரு நாளில் இந்தியா திரைப்படம். கூகுள் வழங்கவிருக்கும் இந்தப் படத்தை அனுராக் காஷ்யப் மற்றும் ரிட்லி ஸ்காட் ஆகிய இருவரும் இணைந்து தயாரிக்கின்றனர். ரிச்சி மேக்தா இந்தப் படத்தை இயக்கவிருக்கிறார்.
படத்தின் சிறப்பு
நீங்கள் வெறுமனே படத்தை மட்டும் எடுத்து அனுப்ப வேண்டியதில்லை உங்கள் சொந்தக் குரலில் அந்தப் படத்தைப் பற்றி பேசியும் அனுப்பி வைக்கலாம். அக்டோபர் 10 ம் தேதிக்குள் இந்தத் தலைப்பிற்கான படங்கள் வந்து சேரவேண்டும் என்று கூகுள் அறிவித்திருக்கிறது.நீங்கள் அனுப்பும் படம் தேர்வு செய்யப்பட்டால் அந்தப் படத்தின் உதவி இயக்குனர் வரிசையில் உங்களையும் கூகுள் நிறுவனம் சேர்த்துக் கொள்ளும்.