புர்கா அணிந்து ரசிகர்களிடம் திட்டு வாங்கிய கிம்மின் சகோதரி க்ளோ கர்தாஷியன்
லாஸ் ஏஞ்சல்ஸ்: அமெரிக்க டிவி ரியாலிட்டி ஷோ நடிகையான கிம்மின் சகோதரி க்ளோ கர்தாஷியன் புர்கா அணிந்து எடுத்த புகைப்படத்தை இன்ஸ்டாகிராமில் வெளியிட்டு ரசிகர்களிடம் திட்டு வாங்கியுள்ளார்.
அமெரிக்க டிவி ரியாலிட்டி ஷோவான கீப் அப் வித் தி கர்தாஷியன்ஸில் கிம், அவரது சகோதரி க்ளோ(30) உள்ளிட்ட கர்தாஷியன் குடும்பத்தினர் நடித்து வருகிறார்கள். கர்தாஷியன் சகோதரிகள் ஒருவருடன் ஒருவர் போட்டி போட்டு அரை நிர்வாண, முக்கால் நிர்வாண புகைப்படங்களை சமூக வலைதளங்களில் வெளியிட்டு வருகின்றனர்.
இந்நிலையில் துபாய் சென்ற க்ளோ அங்கு கண்கள் மட்டும் தெரியும்படி புர்கா அணிந்து புகைப்படம் எடுத்து இன்ஸ்டாகிராமில் வெளியிட்டுள்ளார். ஹபிபி லவ் என்று தலைப்பிட்டு அந்த புகைப்படத்தை வெளியிட்டுள்ளார்.
வெளிநாட்டவர்கள் கட்டாயமாக புர்கா அணிய வேண்டும் என்று துபாயில் சட்டம் இல்லை. இருப்பினும் க்ளோ புர்கா அணிந்தததை பல ரசிகர்கள் அவமதிப்பாக கருதுகிறார்கள்.
புர்கா அணிவதால் பெண்கள் அடித்துக் கொலை செய்யப்படுகிறார்கள். நீங்கள் அது ஏதோ ஃபேஷன் ஆடை போன்று அணிகிறீர்கள் என்று ரசிகர்கள் க்ளோவை திட்டித் தீர்த்துள்ளனர்.