இளவரசரை மணந்தால்தான் இளவரசியாக முடியுமா...?: ஹாரியுடன் 'காதல்' குறித்து எம்மா பதில்!
லண்டன்: ஹாரிபாட்டர் நடிகை எம்மா வாட்சனுக்கும், இங்கிலாந்து இளவரசர் ஹாரிக்கும் இடையே காதல் என்று உலா வரும் செய்திகளை மறுத்துள்ளார் நடிகை எம்மா.
மிகவும் கவர்ச்சிகரமான, செக்ஸியான நடிகை என்று பெயர் பெற்றவர் எம்மா. அவரையும் ஹாரியையும் இணைத்து வரும் சமீபகாலமாக ஊடகங்களில் செய்தி உலா வந்தது.
அதாவது, கடந்த மகளிர் தினத்திலிருந்து இவர்கள் இருவருக்கும் இடையே காதல் ஓடிக் கொண்டிருப்பதாகக் கூறப்பட்டது.
முறிந்து போன காதல்கள்...
இளவரசர் ஹாரிக்கு இது புதுக் காதல் இல்லை. அவர் பல பெண்களுடன் ஏற்கனவே கிசுகிசுக்கப்பட்டவர்தான்.
30 வயது சின்னத் தம்பி...
இளவரசர் வில்லியமின் தம்பிதான் ஹாரி. 30 வயதாகும் அவர் ஏற்கனவே பலரைக் காதலித்துள்ளார்.
போன வருஷம் கிரெசிடா...
கடந்த ஆண்டு தனது காதலி கிரெசிடா போனஸ் உடனான நட்பை முறித்துக் கொண்டார் ஹாரி.
6 வருடம் காதலித்த செல்சி டேவி
அதேபோல செல்டி டேவியும், ஹாரியும் 6 வருடம் காதலித்து பின்னர் பிரிந்தனர்
எம்மாவின் 2 காதல்...
அதேபோல எம்மாவும் 2 முறை காதல் வயப்பட்டு பின்னர் பிரிந்தவர்தான் என்பது குறிப்பிடத்தக்கது.
ரகசிய சந்திப்பு...
இந்த நிலையில் எம்மாவுடனான நட்பு அவரை ஆறுதல்படுத்தியுள்ளதாக தகவல்கள் வெளியானது. இருவரும் பல இடங்களுக்கு ரகசியமாக போய் வந்துள்ளதாகவும், ஆனால் இதுவரை எந்த புகைப்படக்காரர் கண்ணிலும் இந்த ஜோடி சிக்காமல் தப்பியது என கூறப்பட்டது.
மறுப்பு...
இந்நிலையில், சமீபத்தில் மவுனம் கலைத்துள்ளார் எம்மா. இளவரசர் ஹரியுடன் தன்னை சேர்த்து உலா வரும் தகவல்களை அவர் மறுத்துள்ளார்.
இளவரசியாக...
இது தொடர்பாக செய்தி நிறுவனம் ஒன்றிற்கு அளித்துள்ள பேட்டியில், ‘இளவரசரை மணந்தால்தான் இளவரசியாக இருக்க முடியும் என்று கட்டாயம் இல்லை' என எம்மா வாட்சன் தெரிவித்துள்ளார்.