வாழ, வேலை பார்க்க உலகின் சிறந்த 15 நகரங்கள் பட்டியலில் மும்பை.. மெட்ராஸ் எங்கப்பா?
பாரிஸ்: வாழ, வேலை பார்க்க உலகின் சிறந்த நகரங்களில் மும்பையும் ஒன்று என்று கணக்கெடுப்பில் தெரிய வந்துள்ளது.
உலகின் முன்னணி பிசினிஸ் ஸ்கூல்களில் ஒன்றான பிரான்சில் உள்ள இன்சீட் கல்வி நிறுவனம் மக்கள் வாழ, வேலை பார்க்க எந்தெந்த உலக நகரங்கள் சிறந்தவை என்று ஒரு கணக்கெடுப்பை நடத்தியது.
கணக்கெடுப்பின் முடிவின் அடிப்படையில் வாழ, வேலை பார்க்க சிறந்த 15 நகரங்களின் பட்டியல் வெளியிடப்பட்டுள்ளது.
துபாய்
வாழ, வேலை பார்க்க மிகவும் சிறந்த நகரங்கள் பட்டியலில் துபாய் முதலிடத்தை பெற்றுள்ளது. இந்த கணக்கெடுப்பு பட்டியலில் லண்டன் 10வது இடத்திலும், பாரிஸ் 11வது இடத்திலும் உள்ளது.
மும்பை
மும்பைக்கு இன்சீட் பட்டியலில் 13வது இடம் கிடைத்துள்ளது. மேலும் இந்த பட்டியலில் இடம்பெற்றுள்ள ஒரே இந்திய நகரம் மும்பை தான் என்பது குறிப்பிடத்தக்கது.
ஆம்ஸ்டர்டாம்
துபாயை அடுத்து ஆம்ஸ்டர்டாம், டொரண்டோ, சிங்கப்பூர், மேட்ரிட், ஹாங்காங், நியூயார்க், டோக்கியோ, ஷாங்காய், லண்டன், பாரிஸ், மிலனோ, மும்பை, மாஸ்கோ, சா பாலோ ஆகிய நகரங்ள் வாழ, வேலை பார்க்க சிறந்த நகரங்கள் ஆகும்.
இன்சீட்
இன்சீட் கல்வி நிறுவனத்தில் படித்துவிட்டு பல்வேறு நாடுகளில் இருக்கும் முன்னாள் மாணவர்கள் 835 பேர் இந்த கணக்கெடுப்பில் கலந்து கொண்டனர். பொருளாதாரம், வாழ்க்கைத் தரம் உள்ளிட்டவை குறித்து கேள்விகள் கேட்கப்பட்டுள்ளன.