உங்களுக்குள் தூங்கிக் கொண்டிருக்கும் மிருகம்.. அது என்னன்னு தெரியுமா.. கிட்ட வாங்களேன்...!
சான் பிரான்சிஸ்கோ: தேவர்மகன் படத்தில் கமல் பேசும் வசனம் தான், ‘உனக்குள்ள விழிச்சுட்டு இருக்கற மிருகம் தான், எனக்குள்ள தூங்கிட்டு இருக்கு' என்பது. இந்த டயலாக்கைப் பட்டி பார்த்து விவேக் ஒரு படத்தில் டிங்கரிங் செய்திருப்பார்.
ஆனால், உண்மையிலேயே ஒவ்வொருவருக்குள்ளும் ஒரு மிருகம் தூங்கிக் கொண்டு தான் இருக்கிறது. அது வெளியே வரும் போது பல குற்றங்கள் நிகழ்கின்றனவாம்.
இதையெல்லாம் படிக்கும் போது, அப்படியா, அப்போ எனக்குள்ள என்ன மிருகம் தூங்கிட்டு இருக்கு... பூனையா, புலியா இல்லை எலியா என நீங்கள் (லைட்டா எகத்தாளமாக) கேட்பது எங்க காதுக்கும் கேட்குது பாஸ்!
அதற்குத் தான் கூகுள் ஒரு வாய்ப்பை ஏற்படுத்தித் தந்துள்ளது. கூகுள் வலைதளத்திற்கு சென்று அது கேட்கும் சில உளவியல் கேள்விகளுக்கு பதில் சொன்னால் போதும், உங்களுக்குள் இருக்கும் விலங்கை அது படம் பிடித்துக் காட்டி (பயமுறுத்தி) விடும்.
நீங்கள் செய்ய வேண்டியது, முதலில் கூகுள் வலைதளத்திற்குச் சென்று earth day quiz என டைப் செய்ய வேண்டும். அதனைத் தொடர்ந்து வெள்ளிக்கிழமை ராத்திரி எங்கே இருப்பீர்கள் என்று ஒரு கேள்வியும், கீழே பதிலாக 4 புகைப்படங்களும் இணைக்கப்பட்டிருக்கும். அதில் ஒன்றை நீங்கள் தேர்வு செய்ய வேண்டும்.
பிறகு உங்களுக்கு பிடித்த உணவு வகை, வரப்போகும் லைப் பார்ட்னர் எப்படி இருக்க வேண்டும் என்று கூகுள் கேட்கும் 5 கேள்விகளுக்கும் நீங்கள் பதிலளித்த அடுத்த நொடியே நீங்கள் என்ன மாதிரியான மிருகம் என்று தெரிய வந்து விடும்.
நீங்களும் ட்ரைப் பண்ணிப் பாருங்க பாஸ்...!