நடிகைகளின் "ஆ.." படங்கள் அடங்கிய பக்கத்தை இழுத்து மூடிய ரெட்டிட்!
லாஸ் ஏஞ்செலஸ்: ஹாலிவுட் நடிகைகள் ஜெனீபர் லாரன்ஸ், கேட் உப்டன் உள்ளிட்ட சில பிரபங்களின் நிர்வாணப் படங்கள் அடங்கிய பக்கத்தை ரெட்டிட் சமூக வலைத்தளம் தடை செய்துள்ளது.
இந்த பக்கத்தில் ஹாலிவுட் நடிகைகளின் லீக் செய்யப்பட்ட நிர்வாணப் படங்கள் இடம் பெற்றிருந்ததே இந்தத் தடைக்குக் காரணம்.
சமீபத்தில் 4சான் என்ற இணையதளத்தில் பல ஹாலிவுட் பிரபலங்களின் செல்போன் உள்ளிட்டவற்றிலிருந்து திருடப்பட்ட நிர்வாணப் படங்கள் லீக் செய்யப்பட்டு அதிர்ச்சியை ஏற்படுத்தின. இவற்றை பலர் ரெட்டிட் பக்கங்களில் போட்டு ஷேர் செய்து வருகின்றனர். இவர்கள் மீது ரெட்டிட் தடைக் கரங்களை பாய்ச்சியுள்ளது.
திருட்டுப் படங்கள்
இந்த நிர்வாணப் படங்கள் அனைத்துமே திருட்டுத்தனமாக சம்பந்தப்பட்ட நடிகைகளின் செல்போன் உள்ளிட்டவற்றிலிருந்து திருடப்பட்டவையாகும்.
ரெட்டிட்டில் ஷேர்
இவற்றை எடுத்து பலர் ரெட்டிட் பக்கங்களில் ஷேர் செய்ய ஆரம்பித்தனர். இதனால் ரெட்டிட் பக்கங்களுக்கு திடீர் கூட்டம் அலை மோதியது.
தடை
குறிப்பாக "r/thefappening" என்ற பக்கத்தில் கடும் டிராபிக் ஏற்பட்டது. இதையடுத்து தற்போது இந்த பக்கத்தை தடை செய்துள்ளது ரெட்டிட்.
மனசாட்சிப்படி நடங்கப்பா
இதுகுறித்து ரெட்டிட் தலைமை செயலதிகாரி யீஷான் வோங் கூறுகையில் ஒவ்வொருவரும் அவர்களது மனசாட்சிக்கு பொறுப்பாக நடக்க வேண்டும் என்று கூறியுள்ளார்.
திருட்டை அனுமதிக்க முடியாது
மேலும் அவர் கூறுகையில், தற்போதைய அமெரிக்க சட்டப்படி திருட்டுப் பொருட்களை ஷேர் செய்துள்ளவற்றை தடை செய்ய இடம் இல்லைதான். ஆனால் நாங்கள் இதுபோன்ற திருட்டு விஷயங்களை அனுமதிக்க முடியாது. இது தவறு. எனவேதான் இந்த தடை என்றார்.
ஒழுங்கு அவசியம்
நாங்கள் பொறுப்பற்ற இணையதளமாக இருக்க விரும்பவில்லை. எங்களுக்கு நாங்களே ஒழுங்குடன் இருக்க விரும்புகிறோம். திருடர்களின் புகலிடமாக ரெட்டிட் மாறுவதை அனுமதிக்க மாட்டோம் என்றும் கூறியுள்ளார் வோங்.
105 நடிகர், நடிகைகளின் படங்கள் லீக்
மொத்தம் 101 நடிகர் நடிகையரின் நிர்வாண, ஆபாசப் படங்களை விஷமிகள் லீக் செய்து ஹாலிவுட்டையே அலற வைத்துள்ளனர். இந்த செயலுக்கு ஜெனீபர் ஏற்கனவே கடும் கண்டனம் தெரிவித்துள்ளார் என்பது குறிப்பிடத்தக்கது.
எவன்டா இந்த வேலையைச் செய்தது
ஆனால் இந்த வேலையைச் செய்த விஷமி யார் என்பது இதுவரை கண்டுபிடிக்கப்படவில்லை.