மறைந்தார் ரோஜர் மூர்... மறக்க முடியுமா ஆக்டபஸ்ஸியையும், மூன்ரேக்கரையும்?
லண்டன்: ஜேம்ஸ் பாண்ட் வேடத்தில் கலக்கிய ரோஜர் மூர் மறைந்து விட்டார். மூன் ரேக்கர், ஆக்டபஸ்ஸி, லிவ் அன்ட் லெட் லிவ் உள்ளிட்ட பல படங்களில் கலக்கியவர் ரோஜர் மூர்.
புற்று நோயால் பாதிக்கப்பட்டிருந்த ரோஜர் மூர் சில கால போராட்டத்திற்குப் பின்னர் இன்று மரணத்தைத் தழுவினார். நடிகராக மட்டுமல்லாமல் பொதுச் சேவையிலும் ஈடுபட்டிருந்தவர் ரோஜர் மூர்.
அவர் நடித்த படங்கள் அனைத்துமே சூப்பர் ஹிட் ஆனவை.
லிவ் அன்ட் லெட் லிவ், தி மேன் வித் தி கோல்டன் கன், தி ஸ்பை ஹூ லவ்ட் மீ, மூன்ரேக்கர், பார் யுவர் ஐஸ் ஒன்லி, ஆக்டபஸ்ஸி ஆகியவை அவரது பெயர் சொல்லும் படங்கள் ஆகும்.
இதில் ஆக்டபஸ்ஸி அதிக பிரபலமான படமாகும். மூன்ரேக்கர் புதிய பாணியிலான ஜேம்ஸ் படம்.
அதிக அளவிலான ஜேம்ஸ் வேடத்தில் நடித்த ஒரே நடிகரும் ரோஜர் மூர்தான். மொத்தம் 7 ஜேம்ஸ் பாண்ட் படங்களில் நடித்துள்ளார். இவருக்கு அடுத்த இடத்தில்தான் சீன் கானரி வருகிறார்.