நாட்டிங்காமில் 100வது பார்ட்னர்
நாட்டிங்காமில் நடந்த ஏகன் ஓபன் டென்னிஸ் போட்டியின் இரட்டையர் ஆட்டத்தில் மார்சல் கிரனோலர்ஸுடன் ஜோடி சேர்ந்தார் லியாண்டர். மார்சல், லியாண்டருக்கு 100வது பார்ட்னர் ஆவார். இப்போட்டியில் பஸ் ஜோடி வெற்றி பெற்று காலிறுதிப் போட்டிக்கு முன்னேறியது.
மகேஷ்தான் பெஸ்ட்
100 ஜோடிகளில் மகேஷ் பூபதிதான் லியாண்டருடன் இணைந்து வெற்றிகரமாக திகழ்ந்தவர் ஆவார். இருவரும் இணைந்து 3 கிராண்ட்ஸ்லாம் இரட்டையர் பட்டங்களை வென்றுள்ளனர். பயஸ் வென்ற ஆடவர் இரட்டையர் கிராண்ட்ஸ்லாம் பட்டங்களின் எண்ணிக்கை 8 ஆகும்.
ஸ்டெபானக்குடன் 2
ரடெக் ஸ்டெபானக், மார்ட்டின் டாம் ஆகியோருடன் இணைந்து தலா 2 பட்டங்களை வென்றுள்ளார் பயஸ். லூகாஸ் லோஹியுடன் இணைந்து ஒரு பட்டத்தை வென்றுள்ளார்.
எல்லாமே செக்
என்ன ஆச்சரியம் என்றால் ரடெக், டாம், லூகாஸ் ஆகிய 3 பேருமே செக் நாட்டைச் சேர்ந்தவர்கள் என்பது குறிப்பிடத்தக்கது.
இவருக்கு முன்பு 46 பேர்
இதுவரை உலக அளவில் 46 வீரர்கள் 100 பார்ட்னர்களுடன் விளையாடிய சாதனையைப் படைத்துள்ளனர். 47வது வீரராக லியாண்டர் பட்டியலி்ல இணைந்துள்ளார்.
700 வெற்றிகள்
மேலும் டென்னிஸ் போட்டிகளில் மொத்தம் 700 வெற்றிகளைப் பெற்று இந்த சாதனையைப் படைத்த வீரர்கள் வரிசையில் 8வது வீரராக இணைந்துள்ளார் பயஸ்.
ஆனால் பயஸ்தான் பெஸ்ட் அன்ட் பர்ஸ்ட்
இருப்பினும் 700 வெற்றிகளையும், 50 பட்டங்களையும் வென்ற ஒரே வீரர் பயஸ்தான். அந்த வகையில் இது புதிய சாதனையாகும்.