Click it and Unblock the Notifications
ராசியான ஸ்டேடியம் பாஸ்
ஹோல்கர் மைதானம் இந்திய அணிக்கு ராசியான மைதானமாகும். இங்கு இந்தியா தான் விளையாடிய அனைத்துப் போட்டிகளிலும் வென்றுள்ளது.
3 போட்டி.. மூனும் நமக்கே
இந்த மைதானத்தில் இந்தியா 3 ஒரு நாள் போட்டிகளில் மோதியுள்ளது. மூன்று போட்டிகளிலுமே இந்தியாதான் வென்றுள்ளது.
புல்லே இல்லாத பிட்ச்
இங்குள்ள பிட்ச் பிளாட்டானது. ஒரு புல்லைக் கூட இங்கு காண முடியாது. அப்படி ஒரு பிட்ச் இது. 27,000 பேர் அமரக் கூடிய வகையிலானது இந்த ஸ்டேடியம்.
எந்தப் பந்து வீச்சுக்குச் சாதகம்
பிட்ச் எந்த வகையான பந்து வீச்சுக்குச் சாதகமாக இருக்கும், பேட்டிங்குக்குச் சாதகமாக இருக்குமா என்று கியூரேட்டர் சம்ந்தர் சிங் செளகானிடம் கேட்டபோது, அது சஸ்பென்ஸ். நல்லதொரு கிரிக்கெட் போட்டியை ரசிகர்கள் கண்டுகளிக்கக் கூடிய வகையில் பிட்ச் இருக்கும் என்று மட்டும் தெரிவித்தார்.
4 வருடங்களுக்குப் பிறகு
இந்த மைதானத்தில் 4 வருடங்களுக்குப் பிறகு ஒரு நாள் போட்டி நடைபெறுகிறது. கடைசியாக நடந்த ஒரு நாள் போட்டியில் மேற்கு இந்தியத் தீவுகள் அணிக்கு எதிரான ஆட்டத்தில் இந்தியாவின் வீரேந்திர ஷேவாக் புலி போல பாய்ந்து விளையாடி 219 ரன்களைக் குவித்தார். இந்தப் போட்டியில் 153 ரன்கள் வித்தியாசத்தில் இந்தியா வென்றது.
மற்ற இரு போட்டிகள்
அதற்கு முன்பு 2006ல் நடந்த இங்கிலாந்துக்கு எதிரான போட்டியில் இந்தியா 7 ரன் வித்தியாசத்திலும், 2008ல் இங்கிலாந்துக்கு எதிராக இன்னொரு போட்டியில் 54 ரன்கள் வித்தியாசத்திலும் இந்தியா வென்றுள்ளது.
சேஸிங் செய்த பெரிய ஸ்கோர்
இந்த மைதானத்தில் இந்தியா 289 ரன்களை வெற்றிகரமாக சேஸ் செய்துள்ளது. முதலில் பேட் செய்து 292 மற்றும் 418 ரன்களைக் குவித்துள்ளது.
