சச்சின், ஷேவாக்கை நெருங்கிய அஸ்வின்.. தொடர் நாயகன் விருது வெல்வதில் புதிய சாதனை

சச்சின் - ஷேவாக்

இந்திய வீரர்களில் இதுவரை அதிக அளவில் டெஸ்ட் தொடரில் தொடர் நாயகன் விருதை வென்ற சாதனை இரண்டே இரண்டு வீரர்களிடம் மட்டுமே உள்ளது. அவர்கள் சச்சின் மற்றும் அவரது "ஜெராக்ஸ்" காப்பியான ஷேவாக் ஆகியோர்தான்.

ஆளுக்கு 5 முறை

இதில் சச்சின் டெண்டுல்கர் 200 டெஸ்ட் போட்டிகளில் ஆடி 5 முறை தொடர் நாயகன் விருதை வென்றுள்ளார். அதேபோல 104 டெஸ்ட் போட்டிகளில் ஆடியுள்ள ஷேவாக்கும் 5 முறை தொடர் நாயகன் விருதை வென்றுள்ளார்.

4வது முறையாக வென்ற அஸ்வின்

இந்த நிலையில் வெறும் 28 டெஸ்ட் போட்டிகளில் மட்டுமே ஆடியுள்ள அஸ்வின் நேற்று 4வது முறையாக தொடர் நாயகன் விருதை வென்று அசத்தி விட்டார். இன்னும் ஒரு தொடர் நாயகன் விருதை வென்றால் அவர் சச்சின், ஷேவாக் சாதனையை சமன் செய்வார்.

பல வரலாறுகளைப் படைப்பார் அஸ்வின்

அஸ்வின் மிகக் குறைவான டெஸ்ட் போட்டிகளிலேயே ஆடியுள்ளார். அதிலேயே இந்த அளவுக்கு சாதனை படைத்துள்ளதால், உலக அளவில் பல சாதனைகளை அவர் படைக்கும் வாய்ப்புகள் பிரகாசமாக உள்ளன.

முதலிடத்தில் முரளிதரன்

அதேசமயம், சர்வதேச அளவில் அதிக அளவில் தொடர் நாயகன் விருதுகளை வென்ற வீரராக முதலிடத்தில் தொடர்ந்து நீடிக்கிறார் முத்தையா முரளீதரன். இவர் மொத்தம் 11 முறை தொடர் நாயகன் விருதை வென்றவர் ஆவார்.