பிராவோ டீம் வெற்றி
இதில் முதலில் ஆடிய பேட்ரியாட்ஸ் அணி, 158 ரன்கள் குவித்தன. அடுத்து ஆடிய டுவானே பிராவோ தலைமையிலான டிரின்பாகோ நைட் ரைடர்ஸ் அணி, ஒரு கட்டத்தில், 5 விக்கெட் இழப்புக்கு, 89 ரன்கள் எடுத்திருந்தது. வெற்றி பெற, 36 பந்துகளில், 70 ரன்கள் தேவை என்ற நிலை இருந்தது.
அதற்குப் பிறகுதான் மேட்டரே
தினேஷ் ராம்தின், 59 ரன்கள் விளாச, டிரின்பாகோ நைட் ரைடரஸ் அணி அபாரமாக வென்றது. இதில் என்ன வெஸ்ட் இன்டீஸ் ஸ்டைல் இருக்கிறது என்று நீங்கள் கேட்கலாம். மேட்டரே அது இல்லை. போட்டிக்கு பிறகு, நடந்தது தான், மேட்டரே.
|
பரிசளிப்பின்போது டான்ஸ்
போட்டிக்கு பிறகு நடந்த பரிசளிப்பு விழாவின் போது, டுவானோ பிராவோ, அதிரடி புயல் கிறிஸ் கெயில், வர்ணனையாளர் டோனி மோரிசன் ஆகியோர் மிகவும் சகஜமாக, சிரித்து பேசிக் கொண்டிருந்தனர். அப்போது, பிராவோ என்ன நினைத்தாரோ, திடீரென நடனமாடத் துவங்கினார். கெயிலும், மோரிசனும் அவருடன் சேர்ந்து ஆட, அங்கே கலகலப்பு ஏற்பட்டது.
கலகலப்பு
இரண்டு முறை, டி20 உலகக் கோப்பையை வென்ற ஒரே அணி வெஸ்ட் இன்டீஸ் அணியாகும். அதிரடி ஆட்டத்துக்கு பெயர் பெற்றவர்கள் அவர்கள். அதனால்தான், உலகின் பல்வேறு நாடுகளில், அவர்களுக்கு வரவேற்பு இருக்கிறது. அதிரடி ஆட்டத்துடன், மைதானத்தை கலகலப்பாக்குவது எப்படி என்பதும் தெரிந்தவர்கள் வெஸ்ட் இன்டீஸ் வீரர்கள். அதை மீண்டும் நிரூபித்து காட்டினர் பிராவோ, கெயில். இதுதான், வெஸ்ட் இன்டீஸ் அணியின் தனி ஸ்டைல்!.