Click it and Unblock the Notifications
இதோ ஒரு பைனல்
மீண்டும் ஒரு பைனலில் இந்தியா பாகிஸ்தான் வந்து நிற்கின்றன. மிக நீண்ட இடைவெளிக்குப் பிறகு காணக் கிடைக்காத ஒரு காட்சி. இதைக் கண்டு களிக்க இரு நாட்டு ரசிகர்களும் உலகம் முழுவதும் ஆயத்தமாகி வருகின்றனர்.
கோஹ்லிக்கு ஒரு செம சான்ஸ்
எல்லோருக்கும் இது ஒரு பைனல் என்றால் கோஹ்லிக்கு இது வரலாறு படைக்க கிடைத்துள்ள அரிய வாய்ப்பாகும். அந்த வரலாற்றை நாளை அவர் படைப்பாரா என்று கோஹ்லி ரசிகர்கள் பெரும் எதிர்பார்ப்புடன் உள்ளனர்.
கேப்டனாக முதல் போட்டி
கோஹ்லியைப் பொறுத்தவரை கேப்டனாக அவருக்கு இது முதல் ஐசிசி இறுதிப் போட்டி. இதில் இந்தியா வென்று கோப்பையைக் கைப்பற்றினால் கோஹ்லிக்கு தனிப்பட்ட முறையில் அது வரலாறாக மாறும்.
அன்று டோணி
இதே பாகிஸ்தானுக்கு எதிராக 2007ம் ஆண்டு நடந்த டுவென்டி 20 உலகக் கோப்பை இறுதிப் போட்டியில் டோணி தலைமையில் இந்தியா வெற்றி பெற்றது. அது டோணிக்கு கேப்டனாக முதல் ஐசிசி இறுதிப் போட்டியாகும்.
நாளை கோஹ்லி?
அதேபோலவே நாளை நடைபெறும் இறுதிப் போட்டியிலும் பாகிஸ்தானைச் சந்திக்கிறது இந்தியா, கோஹ்லிக்கு கேப்டனாக இது முதல் ஐசிசி இறுதிப் போட்டி. எனவே டோணியைப் போலவே கோஹ்லியும் சாதனை படைப்பாரா என்ற பெரும் எதிர்பார்ப்பு நிலவுகிறது.
தல பாதையில் தளபதியும் வீறு நடை போடுவாரா.. பொறுத்திருந்து பார்க்கலாம்.
