1986ல் டை ஆன டெஸ்ட்
1986ம் ஆண்டு செப்டம்பர் 18ம் தேதி முதல் 22ம் தேதி வரை சென்னையில் இந்தியா ஆஸ்திரேலியா இடையிலான டெஸ்ட் போட்டி டையில் முடிந்தது. டெஸ்ட் கிரிக்கெட் வரலாற்றில் டையில் முடிந்த முதல் போட்டி அதுதான்.
செஞ்சுரி மழை
இப்போட்டியில் முதல் இன்னிங்ஸில் டேவிட் பூன், ஆலன் பார்டர் ஆகியோர் சதம் போட்டனர். டீன் ஜோன்ஸ்இரட்டை சதம் அடித்தார். இந்தியாவின் முதல் இன்னிங்ஸில் கேப்டன் கபில் தேவ் சதம் போட்டு அசத்தினார். ஸ்ரீகாந்த், அஸாருதீன், ரவி சாஸ்திரி ஆகியோர் அரை சதம் போட்டனர். இரண்டாவது இன்னிங்ஸில் இரு அணியிலும் ஒருவரும் சதம் போடவில்லை.
வீடியோ மிஸ்ஸிங்
இந்த டெஸ்ட் போட்டியின் வீடியோவைத்தான் தற்போது தூர்தர்ஷன் தொலைத்து விட்டதாம். அந்த வீடியோ டேப் எங்கே இருக்கிறது என்று தெரியவில்லையாம். ஆனால் எங்காவது இருக்கலாம் என்று தூர்தர்ஷன் தரப்பில் கூறுகிறார்கள்.
கவாஸ்கரின் சாதனை வீடியோ
அதேபோல 1987ல் அகமதாபாத்தில் நடந்த இந்தியா -பாகிஸ்தான் போட்டியில்தான் கவாஸ்கர் 10,000 ரன்களை உலக சாதனை படைத்தார். அதுதான் டெஸ்ட் வரலாற்றில் பதிவான முதல் 10,000 ரன்களாகும். அந்த வீடியோவையும் தூர்தர்ஷன் தொலைத்து விட்டதாம்.
கவாஸ்கர் சோகம்
ஆர்டிஐ மூலமாக இந்த இரு விவரமும் வெளியாகியுள்ளது. இதைக் கேட்டு கிரிக்கெட் ரசிகர்கள் அதிர்ச்சி அடைந்துள்ளனர். இது மிகவும் துரதிர்ஷ்டவசமானது என்று கவாஸ்கரும் வருத்தம் தெரிவித்துள்ளார்.
டை ஆன போட்டியின் வீடியோ
இது டை ஆன போட்டியின் வீடியோ காட்சி..