கேகேஆர் டெசர்ட்
கொல்கத்தாவில் பிரபலமான ஹோட்டல்களில் ஒன்றான வாட்ஸ் அப், தனது உணவு வகையில் கேகேஆர் டெசர்ட் என்ற ஒரு வகையை அறிமுகப்படுத்தியுள்ளது. அதற்கு நல்ல வரவேற்பு கிடைத்துள்ளதாம். அதேபோல சிக்கன் பீட்ஸாவுக்கு ஸ்கொயர் கட் சிக்கன் பீட்சா என்று பெயர் வைத்துள்ளனராம்.
கெய்ல் பெயரில் காலிப்சோ சிக்கன்
மேலும் இதே ஹோட்டலில் ராயல் சேலஞ்சர்ஸ் பெங்களூரு அணியின் அதிரடி வீரரான கிறிஸ் கெய்லின் பெயரில் கெய்ல் காலிப்சோ சிக்கன் வகையை அறிமுகப்படுத்தியுள்ளனர். ஸ்கொயர் டிரைவ் போலோ கான் இன்னொரு உணவு வகையாகும்.
சர்வர்களுக்கு ஐபிஎல் ஜெர்சி
சில ஹோட்டல்களில் உணவுகளைப் பரிமாறும் சர்வர்களுக்கும், வெயிட்டர்களுக்கும் ஐபிஎல் அணிகளின் சீருடையையே உடையாக்கி அசத்தியுள்ளனர். பல ஹோட்டல்களில் பெரிய சைஸ் எல்இடி டிவியை வைத்து ஐபிஎல் போட்டிகள் நடக்கும் சமயத்தில் கூட்டம் கூட்டுகிறார்களாம்.
கட் அவுட், கொடி வேறு
பல ஹோட்டல்களில் கொல்கத்தா நைட் ரைடர்ஸ் அணியின் உரிமையாளர் ஷாருக் கான், கேப்டன் கம்பீர், அதிரடி வீரர்களின் கட் அவுட்களை வைத்துள்ளனர். அணியின் கொடியையும் பறக்க விட்டுள்ளனர்.
வீரர்களின் பெயரில் மது வகைகள்
இது தவிர வார்னர்ஸ் அட்டாக், மெக்கல்லம் ஆரா, தி சாம்பியன், பிராவோ, ரிட்டர்ன் ஆப் பீட்டர்சன், கெளதிஸ் கிரிட் என மது வகைகளுக்கும் வீரர்களின் பெயர்களை ஒரு ரெஸ்டாரென் சூட்டியுள்ளது.
ஐபிஎல் சீசன் முடியும் வரை அக்கப்போர்கள் தொடரத்தான் செய்யும்.. என்ன செய்வது!