“அப்படியே நம்ம கிராமத்தாளா நிக்கறாப்படி” - ”கேப்டன் கூல்” டோணியின் பர்த்டே ஸ்பெஷல் போட்டோ!

ஐந்தாவது திருமண நாள்:

கடந்த சனிக்கிழமையன்றுதான் தனது 5வது திருமண நாளை மனைவி சாக்‌ஷி மற்றும் நண்பர்கள், உறவினர்கள் சூழ கொண்டாடியிருந்தார் கேப்டன் டோணி. இந்நிலையில் இன்று சமூக வலைதளங்களில் லட்சக்கணக்கான ரசிகர்களின் வாழ்த்துமழையில் நனைந்துகொண்டிருக்கிறார் பர்த்டே பாய் டோணி.

சூப்பர் புகைப்படம்:

இந்நிலையில் டோணியின் கருப்பு, வெள்ளை புகைப்படம் ஒன்றினை ரசிகர்கள் அதிகமாக சமூக வலைதளங்களில் ஷேர் செய்து வருகின்றனர். அந்த கருப்புவெள்ளை அபூர்வ ஸ்டில்லின் சிகைலங்காரம், மீசை,புருவம் எக்ஸட்ராக்களை வடிவமைத்துள்ளார் டோணியின் நெடுங்கால ஹேர்ஸ்டைலிஷ்டான ஷப்னா பவனானி.

வைரலாகும் போட்டோ:

டோணியின் பிறந்தநாள் பரிசாக இதை ட்விட்டரில் அவர் பகிர்ந்துள்ளார். தற்போது இந்த ஸ்டில் இணையங்களில் வைரலாகப் பரவத்துவங்கியுள்ளது.

குவியும் வாழ்த்துக்கள்:

அச்சு அசல் கிராமத்துக்காரராகவே தோற்றமளிக்கிறார் இப்புகைப்படத்தில் டோணி. அதனால், எல்லா தரப்பு ரசிகர்களிடமும் பெரும் வரவேற்பினைப் பெற்றுள்ளது அப்புகைப்படம். பிறந்த நாள் பரிசாக வெளியாகியுள்ள இப்புகைப்படத்திற்கு பாராட்டுகளும் கூடவே வாழ்த்துக்களும் குவிந்து வருகின்றனவாம்!