கேப்டன் ஆட்டம்
இதுகுறித்து அதன் பயிற்சியாளரும், முன்னாள் நியூசிலாந்து கேப்டனுமான, ஸ்டீபன் பிளமிங் தெரிவித்ததாவது: ஸ்டீவன் ஸ்மித் வெற்றிக்கு அருகே அணியை அழைத்து வந்தார். போட்டி புனே பக்கம் வருவற்கான வாய்ப்பு இருந்தது.
பவுலிங் பிட்ச்
கிரிக்கெட் என்பது நினைத்தபடியே நடைபெறாது. அதுதான் ஆட்டத்தின் சிறப்பம்சம். பேட்டிங் செய்ய சற்று சிரமமான விக்கெட்தான் அது. எனவே ரன் சேஸிங்கில் சிரமம் ஏற்பட்டது.
சிறப்பான பந்து வீச்சு
மும்பை அணியின் பந்து வீச்சு டாப் கிளாஸ் என்பதை நான் உணர்ந்திருந்தோம். எனவே எளிதில் வெற்றி வந்துவிடாது என்பது தெரியும். புனே அணி சீரான இடைவெளியில் விக்கெட்டுகளை இழந்தது. அதேநேரம், மும்பை அணி தொடர்ந்து நெருக்கடி கொடுத்தபடி இருந்தனர்.
பைனல் வந்ததே மகிழ்ச்சி
இது ஒரு சிறந்த பைனலாக அமைந்தது. பெரிய திறமையாளர்களை அதிகம் கொண்டிராத அணி புனே. அப்படியிருந்தும் பைனல் வரை நாங்கள் வந்திருந்தது மகிழ்ச்சியளிக்கிறது. டோணி ஒரு சிறந்த வீரர். அணியால் என்ன முடியுமோ அதை செய்து முடிக்க அவர் நிறைய ஆலோசனைகள் வழங்கி ஆதரவளித்தார். இவ்வாறு பிளமிங் தெரிவித்தார்.