இந்தியாவே எங்களைப் பார்த்துக் கத்துக்கோ... தென் ஆப்பிரிக்க ரசிகர்கள் அதிரடி!

தமிழ் Edition

ஜோஹன்னஸ்பர்க்: நியூசிலாந்துடன் நடந்த உலகக் கோப்பை அரை இறுதிப் போட்டியில் மிகக் கடுமையாக கடைசி வரை போராடி தீரமாக வீழ்ந்த தென் ஆப்பிரிக்க கிரிக்கெட் அணி தற்போது தாயகம் திரும்பியுள்ளது.

ஜோஹன்னஸ்பர்க் விமான நிலையத்திற்கு வந்து சேர்ந்த அணியினருக்கு திரளான ரசிகர்கள் கூடி நின்று வாழ்த்தியும், பாராட்டியும் வரவேற்பு கொடுத்தனர்.

மேலும் கேப்டன் ஏப் டி வில்லியர்ஸ் உள்ளிட்ட வீரர்களுடன் அவர்கள் போட்டோவும் எடுத்துக் கொண்டனர்.

ஜோஹன்னஸ்பர்க் விமான நிலையத்தில்

ஜோஹன்னஸ்பர்க் ஆர் டாம்போ சர்வதேச விமான நிலையத்திற்கு இன்று அதிகாலை 4 மணியளவில் தென் ஆப்பிரிக்க அணி வந்து சேர்ந்தபோது அங்கு திரளாக கூடியிருந்த ரசிகர்கள் வீரர்களை உற்சாகமாக வரவேற்றனர்.

வீரர்களம் ரசிகர்களும்

வீரர்களும் ரசிகர்களிடம் இயல்பாக அளவளாவி கலந்துரையாடினர்.

ரசிகர்கள் ஆர்வம்...

கேப்டன் டிவில்லியர்ஸ், பாப் டு பிளஸ்ஸிஸ், பந்து வீச்சாளர் டேல் ஸ்டெயின், ஹாட்ரிக் விக்கெட் எடுத்த ஜேபி டுமினி உள்ளிட்டோருடன் புகைப்படம் எடுத்துக் கொள்ள ரசிகர்கள் பெரும் ஆர்வம் காட்டினர்.