Click it and Unblock the Notifications
எல்லாவற்றிலும் ரூட்டுதான் பெஸ்ட்டு!
யூசுப் இதுகுறித்துக் கூறுகையில் டி20, டெஸ்ட், ஒரு நாள் போட்டி என மூன்று வகையான போட்டிகளிலும் ஜோ ரூட்தான் பெஸ்ட். அவரது சமச்சீரான ஆட்டம், ஷாட்டுகளைத் தேர்வு செய்யும் விதம், அவரது டைமிங் எல்லாமே அட்டகாசமாக இருக்கிறது.
போட்டாரே டபுள் சதம்
பாகிஸ்தானுக்கு எதிரான மான்செஸ்டர் டெஸ்ட் போட்டியில் அவர் அடித்த இரட்டை சதம் அபாரமானது. அருமையானது. இது ஒன்றே போதும் அவர்தான் சிறந்தவர் என்பதை நிரூபிக்க.
கிளாஸ் வீரர்
சில ஆண்டுகளாக ஜோ ரூட் ஆடி வருகிறார். ஆனால் அதற்குள்ளாகவே அவரது தரமான ஆட்டத்தை உலகம் பார்த்து விட்டது. அவரது பேட்டிங் சராசரி அசத்தலாக உள்ளது.
கோல்ஹி - டிவில்லியர்ஸ் ஓகேதான்
கோஹ்லி, டிவில்லியர்ஸ் தரமான வீரர்கள் இல்லை என்று நான் சொல்லவில்லை. ஆனால் அவர்களை விட ரூட்தான் மிகச் சிறந்தவர். எனது தனிப்பட்ட கருத்து இது.
மூன்று பேருமே அசத்துவார்கள்
மூன்று வகையான கிரிக்கெட்டிலும் திறமையாக விளையாடக் கூடிய தன்மையும், தகுதியும் இந்த மூன்று வீரர்களிடமும் இருப்பது ஒரு ஒற்றுமையாகும். அதை மறுக்க முடியாது.
சச்சின் - லாரா சண்டை மாதிரி!
முன்பு சச்சின் பெரியவரா, லாரா பெரியவரா என்ற பஞ்சாயத்து நீண்ட காலத்துக்கு ஓடிக் கொண்டிருந்தது. தற்போது அது கோஹ்லியா, டிவில்லியர்ஸா, ரூட்டா என்று ரூட் மாறி வருவது போலத் தெரிகிறதுது.
