அபார பவுலிங்
அஸ்வின் 876 புள்ளிகளுடன் முதலிடத்தை பிடிக்க முக்கிய காரணம், மேற்கிந்திய தீவுகளுக்கு எதிரான முதல் டெஸ்டில் அவர் வழங்கிய பங்களிப்புதான் என்று தெரிகிறது.
அமோக வெற்றி
இந்தியா அப்போட்டியில் ஒரு இன்னிங்ஸ் மற்றும் 92 ரன்கள் வித்தியாசத்தில் அபார வெற்றி பெற்றது. அஸ்வின் வீழ்த்திய, 7 விக்கெட்டுகள் இதற்கு முக்கிய காரணம்.
மீண்டும் முதலிடம்
2015ம் ஆண்டு இறுதியில் அஸ்வின் ஐசிசி டெஸ்ட் பவுலர்கள் தர வரிசையில் முதலிடம் பிடித்திருந்தார். இதன்பிறகு முதல் பத்து இடங்களுக்குள் சுற்றி வந்த அஸ்வின் மீண்டும் முதலிடம் பிடித்துள்ளார்.
யாசிர் ஷா
இங்கிலாந்துக்கு எதிரான 2வது டெஸ்ட் போட்டியில் ரன்களை மலைபோல வாரி வழங்கிவிட்டு, வெறும் 1 விக்கெட்டை மட்டுமே வீழ்த்திய யாசிர் ஷா, 5வது இடத்துக்கு தள்ளப்பட்டுள்ளார்.
வேகப்பந்து வீச்சாளர்கள்
அஸ்வினுக்கு அடுத்தபடியாக, இங்கிலாந்து வேக பவுலர்களான, ஜேம்ஸ் ஆன்டர்சன், ஸ்டூவர்ட் பிராட், தென் ஆப்பிரிக்காவின் டேல் ஸ்டெயின் ஆகியோர் 2வது முதல் 4வது இடம் வரை உள்ளனர்.
ஜடேஜாவுக்கும் இடம்
இந்தியாவின் ரவீந்திர ஜடேஜா 6வது இடத்திலும், நியூசிலாந்தின் டிரென்ட் பவுல்ட், ஆஸ்திரேலியாவின் ஜோஷ் ஹஸ்சில்வுட், தென் ஆப்பிரிக்காவின் மோர்னே மோர்க்கல் மற்றும் வெர்னன் பிளான்டர் ஆகியோர் முறையே, 7வது முதல் 10வது வரையிலான இடங்களில் உள்ளனர்.