சிட்னி : 21-ம் நூற்றாண்டின் சிறந்த பேட்ஸ்மேனாக சச்சின்டெண்டுல்கர் தேர்வு செய்யப்பட்டுள்ளார். கிரிக்கெட் ஆஸ்திரேலியா இணையதளம் நடத்திய வாக்கெடுப்பில் 21-ம் நூற்றாண்டின் சிறந்த டெஸ்ட் வீரர்களில் சச்சின் டெண்டுல்கர் அதிக வாக்குகள் பெற்று முதலிடம் பிடித்தார்.
2000-ம் ஆண்டு முதல் 100 டெஸ்ட் வீரர்களை பட்டியலிட்டு கிரிக்கெட் டாட் காம் டாட் ஏயு என்ற இணையதளம் வாக்கெடுப்பு நடத்தியது. இதில் சச்சின் டெண்டுல்கர் முதலிடத்தையும் சங்கக்காரா 2-வது இடத்தையும் பிடித்தனர்.
இந்த வாக்கெடுப்பில் சுமார் 16,000-த்திற்கும் மேற்பட்ட கிரிக்கெட் ரசிகர்கள் பங்கேற்றனர். மொத்த வாக்கெடுப்பில் 23% வாக்குகளை அள்ளிய சச்சின் முதலிடம் பிடித்தார். சங்கக்காரா 14% வாக்குகளைப் பெற்று 2-ம் இடம் பிடித்தார்.
டாப்-100 டெஸ்ட் வீரர்கள் பட்டியலில் இந்தியா சார்பாக சச்சின் பெயர் மட்டுமே இடம்பெற்றுள்ளது. டாப்-10-ல் 4 ஆஸ்திரேலிய வீரர்கள், 3 தென் ஆப்பிரிக்க வீரர்கள் 2 இலங்கை வீரர்கள் இடம்பெற்றுள்ளனர்.
இந்தப் பட்டியலில் கிரிக்கெட் டாட் காம் டாட் ஏயு சச்சினை வைத்திருந்த இடத்திலிருந்து அவர் 4 இடங்கள் முன்னேறி வாக்கெடுப்பின் மூலம் முதலிடம் பிடித்தார். ரிக்கி பாண்டிங், ஜாக் காலிஸ், ஆடம் கில்கிறிஸ்ட் ஆகியோரை பின்னுக்குத் தள்ளினார் சச்சின்.
டாப் 10 பட்டியல்:
1. சச்சின் டெண்டுல்கர்
2. குமார் சங்கக்காரா
3. ஆடம் கில்கிறிஸ்ட்
4. ரிக்கி பாண்டிங்
5. ஜாக்ஸ் காலிஸ்
6. ஏ.பி.டிவில்லியர்ஸ்
7. ஷேன் வார்ன்
8. கிளென் மெக்ராத்
9. முத்தையா முரளிதரன்
10. டேல் ஸ்டெய்ன்