2 ஆல் ரவுண்டர்கள், 7 பேட்ஸ்மென், 9 பவுலர்கள்.. வெஸ்ட் இண்டீஸைக் கலக்கக் கிளம்பும் இந்திய அணி!

மும்பை: மேற்கு இந்தியத் தீவுகள் அணிகளுக்கு எதிரான டெஸ்ட் தொடருக்கு அறிவிக்கப்பட்டுள்ள இந்திய அணியில் பவுர்கள் அதிகம் உள்ளனர். ஆல் ரவுண்டர்கள் வரிசையில் 2 பேர் இடம் பெற்றுள்ளனர்.

விராத் கோஹ்லி தலைமையிலான இந்திய அணி அடுத்து வரும் மாதங்களில் மொத்தமாக 17 டெஸ்ட் போட்டிகளில் ஆடவுள்ளது. முதலில் மேற்கு இந்தியத் தீவுகளுக்குச் சென்று அங்கு டெஸ்ட் தொடரில் ஆடவுள்ளது.

#TeamIndia for #WIvInd Tests - @imVkohli to lead 17-member team pic.twitter.com/55oSfwp25R

— BCCI (@BCCI) May 23, 2016

முதலில் ஜூலை மாதம் மேற்கு இந்தியத் தீவுகளுக்குச் செல்கிறது இந்தியா. அங்கு நான்கு டெஸ்ட் போட்டிகளில் இந்தியா ஆடவுள்ளது. அதற்கான இந்திய அணி இன்று அறிவிக்கப்பட்டது. இந்திய அணியின் சில முக்கிய அம்சங்களை இங்கு பார்க்கலாம்.

• 17 பேர் கொண்ட இந்திய அணியை சந்தீப் பாட்டீல் தலைமையிலான தேர்வுக் குழு அறிவித்துள்ளது.
• இந்த அணியின் துணை கேப்டனாக அஜிங்கியா ரஹானே இருப்பார்.
• மகாராஷ்டிராவைச் சேர்ந்த சர்துல் தாக்கூர் புதுமுக வீரராக அணியில் சேர்க்கப்பட்டுள்ளார்.
• சர்துல் தாக்கூர், 2015-16 ரஞ்சி சீசனில் அதிக விக்கெட் (41) வீழ்த்திய மும்பை வீரர் ஆவார்.
• ஐபிஎல் போட்டிகளில் கலக்கிய லோகேஷ் ராகுலுக்கும் அணியில் இடம் கிடைத்துள்ளது. ராகுலுக்கு கோஹ்லி ஆதரவு என்று கூறப்படுகிறது.
• இந்திய வீரர்களில் 7 பேர் பேட்ஸ்மென்கள். 9 பேர் பவுலர்கள். 3 பேர் ஆல் ரவுண்டர்கள்.
• பந்து வீச்சாளர்களில் 4 பேர் வேகப் பந்து வீச்சாளர்கள் ஆவர், 3 பேர் சுழற்பந்து வீச்சாளர்கள்.
• ஸ்டூவர்ட் பின்னி, சர்துல் தாக்கூர் ஆகியோர் ஆல்ரவுண்டர்கள் ஆவர்.