1725 புள்ளிகளுடன்
ஜெர்மனி அணி 1725 புள்ளிகளுடன் முதலிடத்தில் நீடிக்கிறது.
4 முறை சாம்பியன்
ஜோக்கிம் லோவை பயிற்சியாளராகக் கொண்ட ஜெர்மனி அணி, பிரேசிலில் நடந்த உலகக் கோப்பைப் போட்டியில் அர்ஜென்டினாவை வீழ்த்தி 4வது முறையாக சாம்பியன் பட்டத்தைத் தட்டிச் சென்றது.
2வது இடத்தில் அர்ஜென்டினா
2வது இடத்தில் அர்ஜென்டினா நீடிக்கிறது. 3வது இடத்தில் கொலம்பியாவும், 4வது இடத்தில் பெல்ஜியமும் உள்ளன. 5வது இடம் நெதர்லாந்துக்குக் கிடைத்துள்ளது.
6வது இடத்தில் பிரேசில்
5 முறை சாம்பியன் பட்டம் வென்ற பிரேசில் அணிக்கு 6வது இடமே கிடைத்துள்ளது. 9வது இடத்தில் முன்னாள் சாம்பியன் ஸ்பெயினும், 10வது இடத்தில் உருகுவேயும் உள்ளன.
டாப் 50ல் ஒரு ஆசிய அணியும் இல்லை
முதல் 50 இடங்களில் ஒரு ஆசிய அணி கூட இல்லை என்பது குறிப்பிடத்தக்கது.
51வது இடத்தில் ஈரான்
ஆசிய அணிகளில் முதலிடத்தில் இருக்கிறது ஈரான். அந்த அணி தரவரிசையில் 51வது இடத்தைப் பிடித்துள்ளது.
ஜப்பானுக்கு 54
ஜப்பான் அணி 54வது இடத்தில் இருக்கிறது.
இந்தியாவுக்கு 171
இந்திய கால்பந்து அணிக்கு 171வது இடம் கிடைத்துள்ளது. இதற்கு முன்பு அது 170வது தரவரிசையில் இருந்தது.