28 வயது தீபிகா
28 வயதாகும் தீபிகா, இந்திய மகளிர் ஹாக்கி அணியில் முக்கிய வீரங்கனை. மிக நீண்ட இடைவெளிக்குப் பிறகு இந்திய அணி ஒலிம்பிக்கிற்குத் தகுதி பெற்றுள்ளது.
அக்டோபர் வரை டைம் கொடுத்த அம்மா
தீபிகா கூறுகையில், எனது தாயார் அக்டோபர் மாதம் வரை டைம் கொடுத்திருக்கிறார். ஆனால் தற்போது ஒலிம்பிக்கிற்குத் தகுதி பெற்றுள்ளதால், அடுத்த ஆண்டு ஆகஸ்ட் மாதம் வரை பொறுத்திருக்குமாறு அவரை கேட்டுக் கொண்டுள்ளேன் என்றார்.
இறப்பதற்குள் மணக்க வேண்டும்
தீபிகாவின் தந்தை இறந்து விட்டார். தாயாருக்கும் உடல் நலம் சரியில்லை. தான் இறப்பதற்குள் மகளுக்குத் திருமணத்தை நடத்தி வைத்துப் பார்க்க அவர் ஆசைப்படுகிறாராம்.
ஒலிம்பிக் முக்கியமாச்சே
இதுகுறித்து தீபிகா கூறுகையில், தாயாரின் உடல் நி்லை கவலையாக இருந்தாலும் கூட ஒலிம்பிக் எனது கனவு. அது நனவாகியிருக்கும்போது அதற்கு முக்கியத்துவம் தர விரும்புகிறேன். திருமணமாகி விட்டால் விளையாட்டில் கவனம் செலுத்த முடியாமல் போகலாம். எனவேதான் காத்திருக்கக் கூறியுள்ளேன்.
அக்காக்களுக்கு சீக்கிரமே திருமணம்
இவரது அக்காக்கள் மூவருக்கும் 26 வயதுக்கு முன்பே திருமணமாகி விட்டதாம். தீபிகாவுக்குத்தான் லேட் ஆகி விட்டது என்று அவரது தாயார் புலம்பி வருகிறாராம்.
இவர்களும் அப்படித்தான்
இதேபோல 22 வயதான மல்யுத்த வீராங்கனை லலிதா ஷெராவத், 26 வயதான கீதா பொகத் ஆகியோரும் கூட ஒலிம்பிக்குக்காக திருமணத்தைத் தள்ளி வைத்துள்ளனராம்.