சிட்னி: ஆஸ்திரேலிய ஓபன் பேட்மிண்டன் போட்டியில், இந்தியாவின் சாய்னா நேவால், சீனாவின் சுன் யு-வை வீழ்த்தி காலிறுதிக்கு முன்னேறினார்.
ஆஸ்திரேலிய ஓபன் பேட்மிண்டன் சிட்னியில் நடைபெற்று வருகிறது. இதில் உலகின் நம்பர் 1 வீராங்கனையான இந்தியாவை சேர்ந்த சாய்னா நேவால் இன்று நடைபெற்ற இரண்டாம் சுற்று ஆட்டத்தில் சீனாவை சேர்ந்த சுன் யு-வை எதிர்கொண்டார்.
இதில் முதல் செட்டை சாய்னா 21-19 எனக் கைப்பற்றினார். 2வது செட்டில் சுதாரித்துக்கொண்டு விளையாடிய சீன வீராங்கனை சுன் யு 21-19 என அந்த செட்டை கைப்பற்றினார்.
இதனால் வெற்றியை நிர்ணயிக்கும் 3வது சுற்றில் இருவரும் போட்டி போட்டு விளையாடினார்கள். ஆனால் சாய்னாவின் அதிரடிக்கு சுன் யு-வால் ஈடுகொடுக்க முடியவில்லை. இதனால் சாய்னா மூன்றாவது செட்டை 21-14 என எளிதில் வென்று 2-1 என வெற்றி பெற்று காலிறுதிக்கு முன்னேறியுள்ளார்.