கருணாநிதி 94வது பிறந்தநாள்: இணையத்தில் ஒரே நாளில் வாழ்த்திய 20 லட்சம் பேர்

திமுக தலைவர் கருணாநிதிக்கு இணையதளம் மூலமாக ஒரே நாளில் 20 லட்சம் பேர் வாழ்த்து தெரிவித்துள்ளதாக தகவல் வெளியாகியுள்ளது.

சென்னை: திமுக தலைவர் கருணாநிதிக்கு http://www.wishthalaivar.com என்னும் இணையதளம் மூலமாக 20 லட்சம் பேர் வாழ்த்து கூறியுள்ளதாக தகவல் வெளியாகியுள்ளது.

ஜூன் 3ஆம் தேதியன்று திமுக தலைவர் கருணாநிதி தனது 94வது பிறந்தநாளை கொண்டாடுகிறார். இந்நிலையில், அவரது பிறந்தநாளையொட்டி அவருக்கு நேரில் வாழ்த்து சொல்ல திமுக தொண்டர்களுக்கு அனுமதி மறுக்கப்பட்டது.

இதற்காகவே புதிதாக இணையதள வசதி தொடங்கப்பட்டுள்ளது. இதனை திமுக செயல் தலைவர் மு.க.ஸ்டாலின் தொடங்கி வைத்தார். http://www.wishthalaivar.com என்னும் இணையதளம் கருணாநிதிக்கு வாழ்த்து சொல்வதற்காகவே செயல்பட்டு வருகிறது.

இந்த இணையதளம் தொடங்கப்பட்ட ஒரே நாளில் உலகம் முழுவதும் உள்ள தமிழர்களிடமிருந்து கருணாநிதிக்கு வாழ்த்துக்கள் குவிந்து வருகிறது. நேற்று பிற்பகல் வரை கருணாநிதிக்கு 20 லட்சத்திற்கும் அதிகமானோர் பிறந்தநாள் வாழ்த்து தெரிவித்துள்ளதாக அறிவாலய வட்டார தகவல்கள் தெரிவிக்கின்றன.

அமெரிக்கா, இங்கிலாந்து, ஆஸ்திரேலியா, மலேசியா, அரபுநாடுகள் போன்றவற்றிலிருந்து கருணாநிதிக்கு வாழ்த்துக்கள் குவிந்த வண்ணம் உள்ளது. மேலும், 2 நாட்கள் இருப்பதால், இந்த எண்ணிக்கை பல கோடிகளாக உயரும் என்று எதிர்பார்க்கப்படுகிறது.

English summary

20 lakhs DMK cadres desirous of wishing party chief M Karunanidhi on his 94th birthday on June 3 can send their greetings online with a portal. DMK Working President and Karunanidhi’s son M K Stalin unveiled the website wishthalaivar.com by sending his greetings first.