பாஜகவுக்கு, அதிமுக 'எதிரி' கட்சியல்ல..வெங்கையா நாயுடு சொல்கிறார்
அதிமுக எதிரி கட்சியல்ல என மத்திய அமைச்சர் வெங்கையா நாயுடு தெரிவித்துள்ளார். சசிகலா முதல்வராவது உட்கட்சி விவகாரம் என்றும் அவர் கூறிள்ளார்.
சென்னை: மத்திய அமைச்சர் வெங்கையா நாடு அதிமுக எதிரி கட்சியல்ல என்று கூறியுள்ளார்.சசிகலா முதல்வராவது உட்கட்சி விவகாரம் என்றும் வெங்கையா நாயுடு கூறினார்.
சென்னையில் இந்தியா டுடே ஊடக குழுமத்தின் 2 நாள் மாநாடு நேற்று தொடங்கியது. இன்று நடைபெறும் இதன் இரண்டாம் நாள் மாநாட்டில் மத்திய அமைச்சர் வெங்கையா நாயுடு கலந்துகொண்டார் மற்றும் ஆந்திரா, கேரளா, கர்நாடகா உள்ளிட்ட 5 மாநில முதல்வர்கள் கலந்து கொண்டனர்.
இந்நிகழ்ச்சியில் கலந்து கொண்ட மத்திய அமைச்சர் வெங்கையா நாயுடுவிடம் நிகழ்ச்சி தொகுப்பாளர் அதிமுக குறித்த சில கேள்விகளை கேட்டார். அதற்கு பதிலளித்த வெங்கையா நாயுடு அதிமுக, பாஜக அரசின் எதிரி கட்சியல்ல என்றார்.
மேலும் சசிகலா முதல்வராவது குறித்த கேள்விக்கு பதிலளித்த மத்திய அமைச்சர் வெங்கையா நாயுடு சசிகலாவை முதல்வராக நியமிப்பது அதிமுகவின் உட்கட்சி விவகாரம் என்றார்.