2011 உள்ளாட்சித் தேர்தலில் 10,083 பதவிகளை கைப்பற்றி விஸ்வரூப வெற்றி கண்ட அதிமுக!
சென்னை: 2011-ம் ஆண்டு உள்ளாட்சித் தேர்தலில் மொத்தம் 20,606 பதவிகளில் 10,083 ஐ கைப்பற்றி அதிமுக விஸ்வரூப வெற்றியைப் பெற்றது. 2-வது இடத்தை திமுக பெற்றது. அதிமுக, திமுகவை மிரட்டும் வகையில் சுயேட்சைகள் 3-வது இடத்துக்கு வந்தனர்.
2011 உள்ளாட்சித் தேர்தலில் அதிமுக சிறு கட்சிகளுடன் இணைந்து தேர்தலை சந்தித்தது. திமுகவும் தனியே தேர்தலை சந்தித்தது.
அத்தேர்தலில் அதிமுக 10 மாநகராட்சி மேயர் பதவிகளையுமே கைப்பற்றியது. திமுக ஒரு மாநகராட்சி மேயர் பதவியைக் கூட கைப்பற்றவில்லை.
மாநகராட்சி கவுன்சிலர்களில் அதிமுகவுக்கு 580; திமுகவுக்கு 130 கிடைத்தது. நகராட்சித் தலைவர் பதவிகளில் அதிமுக 90; திமுக 23 இடங்களைக் கைப்பற்றியன.
பேரூராட்சி தலைவர் பதவிகளிலும் அதிமுக 287; திமுக 121 இடங்களைக் கைப்பற்றியது. மாவட்ட ஊராட்சிகளில் அதிமுக 602ஐ கைப்பற்ற திமுகவோ வெறும் 30 இடங்களைத்தான் பெற்றது.
அதிமுக, திமுகவுக்கு போட்டியாக சுயேட்சைகள்தான் கடந்த தேர்தலில் ஆதிக்கம் செலுத்தினர். மொத்தம் 20,606 பதவிகளில் அதிமுக 10,083 இடங்களையும் திமுக 4108 இடங்களையும் கைப்பற்றின. சுயேட்சைகள் 3-வதாக முன்னேறி 3537 இடங்களைக் கைப்பற்றி அசத்தினர்.
2011 உள்ளாட்சித் தேர்தலில் கட்சி வாரியாக பெற்ற இடங்கள்:
2011 உள்ளாட்சித் தேர்தலில் 10,083 பதவிகளை கைப்பற்றி விஸ்வரூப வெற்றி கண்ட அதிமுக! https://t.co/p8zUJ6g3OD pic.twitter.com/zx27b4VUFa
— Oneindia Tamil (@thatsTamil) September 26, 2016