Just In

முதல்வர் எடப்பாடி பழனிச்சாமியுடன் அரசு செயலர்கள் ஆலோசனை

தமிழக முதல்வர் எடப்பாடி பழனிசாமியுடன் அரசு செயலர்கள் ஆலோசனை நடத்தி வருகின்றனர்.

By Mayura Akilan

Published: Friday, March 3, 2017, 11:08 [IST]

சென்னை: தமிழக முதல்வர் எடப்பாடி பழனிசாமியுடன் அரசு செயலர்கள் ஆலோசனை நடத்தி வருகின்றனர். சென்னை கிரீன்வேஸ் சாலையில் உள்ள முதல்வர் இல்லத்தில் ஆலோசனை நடத்தப்பட்டு வருகிறது.

எடப்பாடி பழனிசாமி முதல்வராக பொறுப்பேற்ற பின்னர் முதல் முறையாக இன்று தமிழக அமைச்சரவைக் கூட்டம் நடக்க உள்ளது. மாலை 4.30 மணியளவில் தலைமைச் செயலகத்தில் உள்ள அமைச்சரவை கூட்ட அரங்கத்தில் இந்தக் கூட்டம் நடைபெறுகிறது. இந்தக் கூட்டத்தில் பட்ஜெட் தொடர்பாக விவாதிக்கப்படும் என்று தெரிகிறது.

தமிழக சட்டசபையில் விரைவில் பட்ஜெட் கூட்டத் தொடர் தொடங்க உள்ளது. இது தொடர்பான விவாதிக்கவும் ஒவ்வொரு துறைகளிலும் அறிவிக்கப்படவுள்ள சிறப்புத் திட்டங்கள், தமிழகத்தில் நிலவும் முக்கிய பிரச்சினைகள், எதிர்க்கட்சிகள் எழுப்பும் அரசியல் ரீதியான விவகாரங்கள் ஆகியவை குறித்து அமைச்சரவைக் கூட்டத்தில் ஆலோசிக்கப்படவுள்ளன. அதற்கு முன்னதாக அரசு செயலர்களுடன் ஆலோசனை நடத்தி வருகிறார் முதல்வர் எடப்பாடி பழனிச்சாமி.