பாஜக தேர்தல் வாக்குறுதிகள் வெறும் “அல்வா”தான்: புத்தகம் போட்ட காங்கிரஸ்!

சென்னை: தேர்தலின்போது வாக்காளர்களுக்கு கொடுத்த வாக்குறுதிகளில் இருந்து பின்வாங்கி வருகிறது பாஜக என்று புத்தகம் வெளியிட்டு காங்கிரஸ் கட்சி குற்றம் சாட்ட முடிவு செய்துள்ளது.

நாடாளுமன்றத் தேர்தலின்போது பாஜக கொடுத்த வாக்குறுதிகளில் இருந்து பின்வாங்கி வருவதை வெளிப்படுத்தும் விதமாக இன்று புத்தகம் ஒன்றை வெளியிடுவதாக காங்கிரஸ் கட்சி தெரிவித்துள்ளது.

33 பக்கங்கள் கொண்ட இந்தப் புத்தகத்தில் மத்திய அரசு கொடுத்த வாக்குறுதிகளான 100 நாட்களுக்குள் கருப்பு பணம் மீட்பு, எல்லை விவகாரம், மானியம் வழங்குதல், அந்நிய நேரடி முதலீட்டை பெறும் மசோதாக்களில் முரண்பாடு, சேவை வரி, அணுசக்தி, ஆதார் உள்ளிட்ட 24 விஷயங்கள் குறித்து குறிப்பிடப்பட்டுள்ளன.

ஏற்கனவே பாஜகவின் 100 நாட்கள் ஆட்சி என்ற பெயரில் காங்கிரஸ் ஒரு புத்தகத்தை வெளியிட்டுள்ளது குறிப்பிடப்பட்டுள்ளது.

English summary

Congress is going to release a book about BJP today. Congress says about BJP’s irresponsibility in Election assurances.