கருணாநிதியுடன் திமுக தேர்தல் அறிக்கை குழு ஆலோசனை
சென்னை: திமுக தலைவர் கருணாநிதியுடன், கட்சியின் தேர்தல் அறிக்கை தயாரிப்புக் குழு உறுப்பினர்கள் சந்தித்து ஆலோசனை நடத்தினர்.
இன்று காலை இந்தக் குழுவினர் கோபாலபுரத்தில் உள்ள கருணாநிதி வீட்டுக்குச் சென்று சந்தித்தனர். அதன் பின்னர் அவர்கள் அறிவாலயம் சென்றனர். அங்கு குழுவின் முதல் ஆலோசனைக் கூட்டம் நடைபெற்றது.
முன்னதாக தமிழக சட்டசபை தேர்தலுக்கான கட்சியின் தேர்தல் அறிக்கையை தயாரிக்க டி.ஆர். பாலு தலைமையில் 9 பேர் கொண்ட குழுவை கட்சி மேலிடம் அறிவித்திருந்தது. இந்தக் குழுவின் ஒருங்கிணைப்பாளராக டி.ஆர். பாலு இருக்கிறார்.
பிற உறுப்பினர்கள்:
கனிமொழி எம்.பி.,, பேராசிரியர் அ.இராமசாமி, ஆர். சண்முகசுந்தரம், சுப்புலட்சுமி ஜெகதீசன், வி.பி. துரைசாமி, என்.ஆர். இளங்கோ, டி.கே.எஸ். இளங்கோவன், தங்கம் தென்னரசு ஆகியோர்.
திமுகவின் தேர்தல் அறிக்கை எப்போதுமே எதிர்பார்க்குரியதாக அமைந்துள்ளது. அதேசமயம், திமுகவின் தேர்தல் அறிக்கை தமிழக அரசியல் வரலாற்றில் புதிய வரலாறு படைத்த நிகழ்வும் நடந்ததுண்டு. எனவே இந்தத் தேர்தல் அறிக்கையும் எதிர்பார்ப்புகளை ஏற்படுத்தியுள்ளது.