சட்டசபை தேர்தலில் பாஜகவுக்கு ஒரு இடம்கூட கிடைக்காது... இளங்கோவன் ஆரூடம்

சென்னை: தமிழக சட்டசபை தேர்தலில் பாஜகவுக்கு ஒரு இடம்கூட கிடைக்காது என்று தமிழக காங்கிரஸ் கமிட்டித் தலைவர் ஈவிகேஎஸ் இளங்கோவன் தெரிவித்துள்ளார்.

தமிழகத்தில் நேற்று பிரசாரம் செய்த பாரதிய ஜனதா கட்சியின் தேசிய தலைவர் அமித் ஷா, காங்கிரஸ்- தி.மு.க. கூட்டணியை கடுமையாக விமர்சனம் செய்தார். அதிமுகவையும் கடுமையாக விமர்சனம் செய்தார்.

இது குறித்து சென்னை சத்தியமூர்த்தி பவனில் தமிழக காங்கிரஸ் கமிட்டி தலைவர் ஈ.வி.கே.எஸ். இளங்கோவன் செய்தியாளர்களிடம் கூறியதாவது:

தமிழக சட்டசபை தேர்தலில் பாரதிய ஜனதா கட்சி ஒரு இடத்தில் கூட வெற்றி பெறாது. தமிழகத்தில் மோடி அலை ஒன்றும் வீசவில்லை.

இலவசங்களை நம்பி தமிழக மக்கள் இல்லை. காங்கிரஸ் தலைவர் சோனியா மற்றும் கருணாநிதியின் பிரசாரம் தமிழக தேர்தலில் பெரும் தாக்கத்தை ஏற்படுத்தும்.

தேர்தல் பிரசாரத்திற்காக பிரதமர் மோடி தமிழகம் வருவது எந்தஒரு தாக்கத்தையும் ஏற்படுத்தாது.

இவ்வாறு ஈவிகேஎஸ் இளங்கோவன் கூறினார்.

English summary

TNCC leader EVKS Elangovan slammed BJP national leader Amit Shah for his remarks against DMK- Cong. alliance.