For Quick Alerts
ALLOW NOTIFICATIONS  
For Daily Alerts
Oneindia App Download

"காலா".. மோஷன் போஸ்டர் போட்டும், ஸ்டிக்கர் வெளியிட்டும்... கொண்டாடும் ரசிகர்கள்!

ரஜினிகாந்தின் காலா படத்தின் ஸ்டிக்கர்களை வெளியிட்டும், மோஷன் பிக்ஸர் தயாரித்தும் ரசிகர்கள் கொண்டாடி வருகின்றனர்.

By Lakshmi Priya
Google Oneindia Tamil News

சென்னை: நடிகர் ரஜினிகாந்தின் 164-ஆவது புதிய படத்தின் பெயர் கடந்த வியாழக்கிழமை வெளியானதை தொடர்ந்து ஸ்டிக்கர்கள் அச்சடிக்கப்பட்டு அதை ரசிகர்கள் கொண்டாடி வருகின்றனர்.

சூப்பர் ஸ்டார் ரஜினிகாந்த் தற்போது ஷங்கரின் 2.0 படத்தில் நடித்து முடித்துள்ளார். இந்த படம் அடுத்த ஆண்டு ஜனவரியில் வெளியாகும் என்று எதிர்பார்க்கப்படுகிறது. இந்நிலையில் தற்போது ரசிகர்களுக்கு ரஜினி மகிழ்ச்சியான செய்திகளை தந்து அதிர்ச்சியில் மூழ்கடித்துள்ளார்.

கடந்த 8 ஆண்டுகளுக்கு பிறகு, ரஜினி தன் ரசிகர்களுடன் சந்தித்து புகைப்படம் எடுத்துள்ளார். கடந்த 21 ஆண்டுகளாக ரஜினியை ரசிகர்கள் அரசியலுக்கு வருமாறு அழைத்து வந்தனர்.

பிடிகொடுக்கவில்லை

பிடிகொடுக்கவில்லை

எனினும் இத்தனை ஆண்டுகளாக பிடி கொடுக்காமல் இருந்த ரஜினி காந்த் தற்போது ரசிகர்களுடனான சந்திப்பின்போது அரசியலுக்கு வருவதற்கான சமிக்ஞைகளை அளித்து மகிழ்ச்சியில் ஆழ்த்தியுள்ளார். மேலும் போருக்கு தயாராக இருங்கள் என்று தேர்தலில் போட்டியிடுவதை சொல்லாமல் சொல்லியுள்ளார்.

புது படம் பர்ஸ்ட் லுக்

புது படம் பர்ஸ்ட் லுக்

இந்நிலையில் ரஜினிகாந்தின் 164-ஆவது படத்துக்கான தலைப்பை அதன் தயாரிப்பு நிறுவனமான தனுஷின் வுண்டர்பார் பிலிம்ஸ் வெளியிட்டுள்ளது. மேலும் அந்த படத்துக்குான பர்ஸ்ட் லுக் போஸ்டரும் வெளியாகியுள்ளது. மிகவும் வித்தியாசமான ஆடையில் 360 டிகிரி கோணத்தில் அமர்ந்திருக்கும் ரஜினியின் கெட்டப்பை பார்த்த ரசிகர்கள் மகிழ்ச்சி அடைந்துள்ளனர்.

இரட்டிப்பு மகிழ்ச்சி

இரட்டிப்பு மகிழ்ச்சி

அரசியலுக்கு வருவதாக ரஜினி தெரிவித்துள்ளது மகிழ்ச்சி அளிப்பதாகவும் அவர் படத்தில் வித்தியாசமான கெட்டப்பில் நடிப்பது இரட்டிப்பு சந்தோஷமாக உள்ளதாகவும் ரசிகர்கள் தெரிவித்தனர். அதை கொண்டாடி மகிழும் வகையில் வாகனங்கள், வீடுகளில் ஒட்டி கொள்வதற்காக அந்த பர்ஸ்ட் லுக் ஸ்டிக்கர்களை அச்சடித்துள்ளனர்.

மோஷன் பிக்சர் தயார்

ரஜினியின் காலா படத்தை கொண்டு கிருபா சரவணன் என்ற ரஜினி ரசிகர் மோஷன் போஸ்டரை தயார் செய்து யூடியூபில் வெளியிட்டுள்ளார். இந்த படத்தின் படப்பிடிப்புகள் நாளை தொடங்கவுள்ள நிலையில் தற்போது ரசிகர்கள் அதை கொண்டாடி மகிழ்ந்து வருகின்றனர். தன் உடல் ஒத்துழைக்கும் வரை ரசிகர்களை மகிழ்விப்பது என்று ரஜினி ஏற்கெனவே ஒரு விழாவில் கூறியிருந்தது குறிப்பிடத்தக்கது.

English summary
Rajini fans are celebrating the moments of first look posters of Kaala film.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X