விஜயகாந்துடன் திமுக அணி ஃபார்வார்டு பிளாக் தலைவர் சந்தானம் சந்திப்பு!!
சென்னை: தேமுதிக தலைவர் விஜயகாந்தை திமுக கூட்டணியில் இருக்கும் அகில இந்திய ஃபார்வார்டு பிளாக் கட்சித் தலைவர் சந்தானம் இன்று திடீரென சந்தித்து பேசினார்.
லோக்சபா தேர்தலில் தேமுதிகவுக்கு பாஜக, காங்கிரஸ், திமுக கட்சிகள் வலை விரித்து வைத்திருக்கின்றன. ஆனால் தேமுதிகவோ எந்த கட்சிக்கும் பிடி கொடுக்கவில்லை.
இந்த நிலையில் பாஜகவுடன் பேச்சுவார்த்தையை மும்முரமாக தேமுதிக நடத்தி வருவதாக செய்திகள் வெளியாகின. இதனிடையே திடீரென்று திமுக கூட்டணியில் இடம்பெற்றுள்ள அகில இந்திய ஃபார்வார்டு பிளாக் கட்சித் தலைவர் சந்தானம் இன்று விஜயகாந்தை சந்தித்து பேசினார்.
ஏற்கெனவே திமுக அணியில் உள்ள விடுதலை சிறுத்தைகள் கட்சித் தலைவர் திருமாவளவன், விஜயகாந்தை சந்தித்து பேசியிருக்கிறார். இந்த நிலையில் மற்றொரு கூட்டணி தலைவரான சந்தானமும் விஜயகாந்தை சந்தித்து பேசியிருப்பது பரபரப்பை ஏற்படுத்தியுள்ளது.