தந்தையர் தினம்... கூகுள் போட்ட புதிய டூடுளைப் பார்த்தீங்களா?
சென்னை: தந்தையர் தினத்தை முன்னிட்டு கூகுள் புதிய சிறப்பு டூடுள் ஒன்றை வெளியிட்டுள்ளது.
ஜூன் மாதம் மூன்றாம் ஞாயிறு உலக தந்தையர் தினமாகக் கொண்டாடப்படுகிறது. அதன்படி, இந்தாண்டிற்கான தந்தையர் தினம் இன்று.
இதனை சிறப்பிப்பது போல், கூகுள் புதிய டூடுள் ஒன்றை வெளியிட்டு அப்பாக்களுக்கு வாழ்த்துத் தெரிவித்துள்ளது.
தந்தையர் தினம்...
அதன்படி, இந்தாண்டிற்கான தந்தையர் தின டூடுளில் வாசலில் போடப்படும் மிதியடியும், அதில் இரண்டு ஜோடி செருப்புகள் இருப்பது போல் அமைக்கப்பட்டுள்ளது. அந்த செருப்புகளில் ஒரு ஜோடி பெரியது. அதாவது அப்பாவினுடையது. மற்றொன்று சிறியது அதாவது குழந்தையுடையது.
விலங்குகளுக்கும்...
கடந்தாண்டும் இது போலவே வித்தியாசமான டூடுளை வெளியிட்டது கூகுள். அதில், மனிதர்களுக்கு மட்டுமல்ல, விலங்குகளுக்கும் சேர்த்து தந்தையர் தின வாழ்த்துக் கூறப்பட்டிருந்தது.
வாழ்க்கைப் பயணம்...
அதேபோல், கடந்த 2014ம் ஆண்டு வெளியிடப்பட்ட டூடுளில், அப்பா தனது இரண்டு குழந்தைகளுடன் வாகனம் ஒன்றில் செல்வது போல் இருந்தது.
வித்தியாசமான டூடுள்ஸ்...
கடந்த 2013 மற்றும் 2012ம் ஆண்டுகளிலும் இதேபோல், வித்தியாசமான மற்றும் சுவாரஸ்யமான டூடுள்களை கூகுள் வெளியிட்டிருந்தது குறிப்பிடத்தக்கது.