இது தான் ‘புலி’... வாட்ஸ் அப்பில் படம் வரைந்து பாகம் குறித்த குறும்புக்காரர்கள்!
சென்னை: சிம்புதேவன் இயக்கத்தில் விஜய் நடித்துள்ள புலி திரைப்படம் வெற்றிகரமாக திரையரங்குகளில் ஓடிக் கொண்டிருக்கிறது.
இப்படத்தில் விஜயின் ஜோடியாக ஹன்சிகா மற்றும் ஸ்ருதிஹாசன் என இரண்டு நாயகிகள். நீண்ட இடைவேளைக்குப் பின் இப்படத்தின் மூலம் மீண்டும் தமிழ் சினிமாவில் ரீஎண்ட்ரி ஆகியுள்ளார் ஸ்ரீதேவி.
இப்படிப் பல பிளஸ்கள் கூறப்பட்டாலும் படம் கொஞ்சம் டல் தான் என நெட்டிசன்கள் சமூகவலைப் பக்கங்களில் விமர்சித்து வருகின்றனர். குழந்தைகளுக்குத் தான் இப்படம் மிகவும் பிடிக்கும் என அவர்கள் கூறுகின்றனர்.
இந்நிலையில் வித்தியாசமாக புலி படத்தை விமர்சித்துள்ளனர் வாட்ஸ் அப்பில். இது தொடர்பாக படம் ஒன்று வாட்ஸ் அப்பில் உலா வருகிறது. அதில், விஜயின் நடிப்பு, டான்ஸ், ஸ்ரீதேவி, ஹன்சிகா, மியூசிக், கிராபிக்ஸ் என ஒவ்வொன்றிற்கும் வித்தியாசம் வித்தியாசமான புகைப்படங்களை வைத்து லகலக செய்துள்ளார்கள்.
இப்படி மீம்ஸ் மற்றும் விமர்சனங்கள் மூலமும் புலியை நெட்டிசன்கள் வறுத்தெடுத்தாலும், இப்படம் வசூலை வாரிக் குவித்து வருகிறது என்பது மறுக்கமுடியாதது.